Ghazal – Woh Dil Nahi Raha Woh Tabiyat Nahi Rahi
Poet: Hayat Imrohi
Woh Dil Nahi Raha Woh Tabiyat Nahi Rahi
Shayad Ab Un Ko Mujh Se Mohabbat Nahi Rahi
Ghabra Raha Hoon Kyon Ye Gham-E-Narawa Se Ab
Kya Mujh Mein Gham Ke Sehne Ki Taqat Nahi Rahi
Tum Kya Badal Gaye Ke Zamana Badal Gaya
Taskeen-E-Dil Ki Ab Koi Soorat Nahi Rahi
Jeene Ko Jee Rahe Hain Tumhare Baghair Bhi
Is Tarah Jaise Jeene Ki Hasrat Nahi Rahi
Shayad Koi Haseen Idhar Se Guzar Gaya
Woh Dard-E-Dil Ki Pehli Si Haalat Nahi Rahi
Jaage Ho Raat Mehfil-E-Aghyar Mein Zaroor
Aankhon Mein Ab Woh Kufr Ki Zulmat Nahi Rahi
Jab Kar Diya Khazan Ne Woh Rangeen Chaman Tabah
Woh Husn Ab Kahan Woh Malaahat Nahi Rahi
Zahid Mein Hai Na Zohd Na Randon Mein May-Kashi
Phoolon Mein Husn Gonchon Mein Rangat Nahi Rahi
Haan Ae Hayaat Hum Ne Zamane Ke Dukh Sahe
Phir Bhi Hamein Kisi Se Shikayat Nahi Rahi
وہ دل نہیں رہا وہ طبیعت نہیں رہی
شاید اب ان کو مجھ سے محبت نہیں رہی
گھبرا رہا ہوں کیوں یہ غم ناروا سے اب
کیا مجھ میں غم کے سہنے کی طاقت نہیں رہی
تم کیا بدل گئے کہ زمانہ بدل گیا
تسکین دل کی اب کوئی صورت نہیں رہی
جینے کو جی رہے ہیں تمہارے بغیر بھی
اس طرح جیسے جینے کی حسرت نہیں رہی
شاید کوئی حسین ادھر سے گزر گیا
وہ درد دل کی پہلی سی حالت نہیں رہی
جاگے ہو رات محفل اغیار میں ضرور
آنکھوں میں اب وہ کفر کی ظلمت نہیں رہی
جب کر دیا خزاں نے وہ رنگیں چمن تباہ
وہ حسن اب کہاں وہ ملاحت نہیں رہی
زاہد میں ہے نہ زہد نہ رندوں میں مے کشی
پھولوں میں حسن غنچوں میں رنگت نہیں رہی
ہاں اے حیاتؔ ہم نے زمانے کے دکھ سہے
پھر بھی ہمیں کسی سے شکایت نہیں رہی
Andheray Chaaron Taraf Saein Saein Karne Lage – Rahat Indori
Is Taraf Se Guzray Thay Qaflay Bahaaron Ke – Sahir Ludhianvi
