Gonge Labon Pe Harf-e-Tamanna Kya Mujhe

Gonge Labon Pe Harf-e-Tamanna Kya Mujhe
Kis Kor Chashm Shab Mein Sitara Kya Mujhe

Zakhm-e-Hunar Ko Samjhe Huye Hai Gul-e-Hunar
Kis Shehar-e-Na-Sapas Mein Paida Kya Mujhe

Jab Harf Na-Shanas Yahan Lafz Faham Hain
Kyun Zauq-e-Shear De Ke Tamasha Kya Mujhe

Khushbu Hai Chandni Hai Lab Jo Hai Aur Main
Kis Be-Panah Raat Mein Tanha Kya Mujhe

Di Tashnagi Khuda Ne To Chashme Bhi De Diye
Seene Mein Dasht Aankhon Mein Darya Kya Mujhe

Main Yun Sanbhal Gayi Ke Teri Bewafai Ne
Be-Etibariyon Se Shanasa Kya Mujhe

Woh Apni Ek Zaat Mein Kul Kainaat Tha
Duniya Ke Har Fareb Se Milwa Diya Mujhe

Auron Ke Saath Mera Taaruf Bhi Jab Hua
Hathon Mein Hath Le Ke Woh Socha Kya Mujhe

Beete Dinnon Ka Aks Na Ainda Ka Khayal
Bas Khali Khali Aankhon Se Dekha Kya Mujhe

گونگے لبوں پہ حرف تمنا کیا مجھے
کس کور چشم شب میں ستارا کیا مجھے

زخم ہنر کو سمجھے ہوئے ہے گل ہنر
کس شہر نا سپاس میں پیدا کیا مجھے

جب حرف ناشناس یہاں لفظ فہم ہیں
کیوں ذوق شعر دے کے تماشا کیا مجھے

خوشبو ہے چاندنی ہے لب جو ہے اور میں
کس بے پناہ رات میں تنہا کیا مجھے

دی تشنگی خدا نے تو چشمے بھی دے دیے
سینے میں دشت آنکھوں میں دریا کیا مجھے

میں یوں سنبھل گئی کہ تری بے وفائی نے
بے اعتباریوں سے شناسا کیا مجھے

وہ اپنی ایک ذات میں کل کائنات تھا
دنیا کے ہر فریب سے ملوا دیا مجھے

اوروں کے ساتھ میرا تعارف بھی جب ہوا
ہاتھوں میں ہاتھ لے کے وہ سوچا کیا مجھے

بیتے دنوں کا عکس نہ آئندہ کا خیال
بس خالی خالی آنکھوں سے دیکھا کیا مجھے

Gonge Labon Pe Harf-e-Tamanna Kya Mujhe – Parveen Shakir