Gusse Mein Jo Nikhra Hai
Poet: Sahir Ludhianvi
Gusse Mein Jo Nikhra Hai, Us Husn Ka Kya Kehna
Kuch Dair Abhi Hum Se Tum Yun Hi Khafa Rehna
Us Husn Ke Sholay Ki Tasveer Bana Lein Hum
Un Garm Nigahon Ko Seene Se Laga Lein Hum
Pal Bhar Usi Aalam Mein Ae Jaan-e-Ada Rehna
Kuch Dair Abhi Hum Se Tum Yun Hi Khafa Rehna
Ye Dehka Hua Chehra, Ye Bikhri Hui Zulfain
Ye Barhti Hui Dharkan, Ye Charhti Hui Saansen
Samaan-e-Qaza Ho Tum, Samaan-e-Qaza Rehna
Kuch Dair Abhi Hum Se Tum Yun Hi Khafa Rehna
Pehle Bhi Haseen Thin Tum, Lekin Ye Haqiqat Hai
Woh Husn Museebat Tha, Ye Husn Qayamat Hai
Auron Se To Barh Kar Ho, Khud Se Bhi Sawa Rehna
Kuch Dair Abhi Hum Se Tum Yun Hi Khafa Rehna
Gusse Mein Jo Nikhra Hai (Poetry in Urdu)
غصے میں جو نکھرا ہے، اس حسن کا کیا کہنا
کچھ دیر ابھی ہم سے تم یوں ہی خفا رہنا
اس حسن کے شعلے کی تصویر بنا لیں ہم
ان گرم نگاہوں کو سینے سے لگا لیں ہم
پل بھر اسی عالم میں اے جانِ ادا رہنا
کچھ دیر ابھی ہم سے، تم یوں ہی خفا رہنا
یہ دہکا ہوا چہرہ، یہ بکھری ہوئی زلفیں
یہ بڑھتی ہوئی دھڑکن، یہ چڑھتی ہوئی سانسیں
سامانِ قضا ہو تم، سامانِ قضا رہنا
کچھ دیر ابھی ہم سے تم یوں ہی خفا رہنا
پہلے بھی حسیں تھیں تم، لیکن یہ حقیقت ہے
وہ حسن مصیبت تھا، یہ حسن قیامت ہے
اوروں سے تو بڑھ کر ہو، خود سے بھی سوا رہنا
کچھ دیر ابھی ہم سے تم یوں ہی خفا رہنا
