Hairaan Hoon Ke Ye Kaun Sa Dastoor-E-Wafa Hai
Tu Misl-E-Rag Jaan Hai To Kyun Mujh Se Juda Hai
Tu Ahl-E-Nazar Hai To Nahin Tujh Ko Khabar Kyoon
Pehlu Mein Tere Koi Zamaane Se Khada Hai
Likha Hai Mera Naam Samandar Pe Hawa Ne
Aur Dono Ki Fitrat Mein Sukoon Hai Na Wafa Hai
Main Sheher O Biyaabaan Mein Tujhe Dhoond Chuka Hoon
Be Dard Tu Kis Hajla-E-Pinhaan Mein Chhupa Hai
Hum Rakhte Hain Daawa Ke Hai Qaabu Humein Dil Par
Tu Saamne Aa Jaaye To Ye Baat Juda Hai
Main Dozakh-E-Jaan Mein Bhi Raha Mahw-E-Tag O Taaz
Ae Khaaliq-E-Aflaak Tujhe To Ye Pata Hai
Gham Hai Ke Musalsal Ussi Shiddat Se Hai Jaari
Yoon Kehne Ko Is Umar Ka Har Lamha Naya Hai
Har Simt Hawa Tez Fiza Ta Ba Ufuq Tang
Dil Zarrah-E-Sehra Hai Bagolon Mein Ghira Hai
Kyun Jaage Hue Sheher Mein Tanha Hai Har Ek Shakhs
Ye Roshni Kaisi Hai Ke Saaya Bhi Juda Hai
Ae Dawar-E-Mahshar Tujhe Khud Teri Qasam Hai
Insaf Se Keh Dil Kabhi Tera Bhi Phata Hai
Mehsoos Kiya Hai Kabhi Tu Ne Bhi Woh Khanjar
Gham Ban Ke Jo Har Shakhs Ke Seene Mein Ghura Hai
Thaharaaye Use Arsh Kaise Jafa Keesh
Jo Mujh Se Alag Reh Ke Bhi Hum Raah Chala Hai
حیراں ہوں کہ یہ کون سا دستور وفا ہے
تو مثل رگ جاں ہے تو کیوں مجھ سے جدا ہے
تو اہل نظر ہے تو نہیں تجھ کو خبر کیوں
پہلو میں ترے کوئی زمانے سے کھڑا ہے
لکھا ہے مرا نام سمندر پہ ہوا نے
اور دونو کی فطرت میں سکوں ہے نہ وفا ہے
میں شہر و بیاباں میں تجھے ڈھونڈ چکا ہوں
بے درد تو کس حجلۂ پنہاں میں چھپا ہے
ہم رکھتے ہیں دعویٰ کہ ہے قابو ہمیں دل پر
تو سامنے آ جائے تو یہ بات جدا ہے
میں دوزخ جاں میں بھی رہا محو تگ و تاز
اے خالق افلاک تجھے تو یہ پتا ہے
غم ہے کہ مسلسل اسی شدت سے ہے جاری
یوں کہنے کو اس عمر کا ہر لمحہ نیا ہے
ہر سمت ہوا تیز فضا تا بہ افق تنگ
دل ذرۂ صحرا ہے بگولوں میں گھرا ہے
کیوں جاگے ہوئے شہر میں تنہا ہے ہر اک شخص
یہ روشنی کیسی ہے کہ سایہ بھی جدا ہے
اے داور محشر تجھے خود تیری قسم ہے
انصاف سے کہہ دل کبھی تیرا بھی پھٹا ہے
محسوس کیا ہے کبھی تو نے بھی وہ خنجر
غم بن کے جو ہر شخص کے سینے میں گڑا ہے
ٹھہرائے اسے عرشؔ کوئی کیسے جفا کیش
جو مجھ سے الگ رہ کے بھی ہم راہ چلا ہے
