Har Chehre Mein Aati Hai Nazar Yar Ki Surat

Har Chehre Mein Aati Hai Nazar Yar Ki Surat
Ahbab Ki Surat Ho Ki Aghyar Ki Surat

Sine Mein Agar Soz Salamat Ho To Khud Hi
Ashaar Mein Dhal Jati Hai Afkar Ki Surat

Jis Aankh Ne Dekha Hai Us Aankh Ko Dekhun
Hai Us Ke Siwa Kya Tere Didar Ki Surat

Pahchan Liya Tujh Ko Teri Shishagari Se
Aati Hai Nazar Fan Se Hi Fankar Ki Surat

Ashkon Ne Bayan Kar Hi Diya Raaz-E-Tamanna
Hum Soch Rahe The Abhi Izhaar Ki Surat

Is Khak Mein Poshida Hain Har Rang Ke Khake
Mitti Se Nikalte Hain Jo Gulzar Ki Surat

Dil Hath Par Rakha Hai Koi Hai Jo Kharide
Dekhun To Zara Main Bhi Kharidar Ki Surat

Surat Meri Aankhon Mein Samaegi Na Koi
Nazron Mein Basi Rahti Hai Sarkar Ki Surat

‘Wasif’ Ko Sardar Pukara Hai Kisi Ne
Inkar Ki Surat Hai Na Iqrar Ki Surat

ہر چہرے میں آتی ہے نظر یار کی صورت
احباب کی صورت ہو کہ اغیار کی صورت

سینے میں اگر سوز سلامت ہو تو خود ہی
اشعار میں ڈھل جاتی ہے افکار کی صورت

جس آنکھ نے دیکھا ہے اس آنکھ کو دیکھوں
ہے اس کے سوا کیا ترے دیدار کی صورت

پہچان لیا تجھ کو تری شیشہ گری سے
آتی ہے نظر فن سے ہی فن کار کی صورت

اشکوں نے بیاں کر ہی دیا راز تمنا
ہم سوچ رہے تھے ابھی اظہار کی صورت

اس خاک میں پوشیدہ ہیں ہر رنگ کے خاکے
مٹی سے نکلتے ہیں جو گلزار کی صورت

دل ہاتھ پر رکھا ہے کوئی ہے جو خریدے
دیکھوں تو ذرا میں بھی خریدار کی صورت

صورت میری آنکھوں میں سمائے گی نہ کوئی
نظروں میں بسی رہتی ہے سرکار کی صورت

واصفؔ کو سردار پکارا ہے کسی نے
انکار کی صورت ہے نہ اقرار کی صورت

ہر چہرے میں آتی ہے نظر یار کی صورت