Har Koi Dil Ki Hathaili Pe Hai Sehra Rakhe
Ahmad Faraz Poetry
Har Koi Dil Ki Hathaili Pe Hai Sehra Rakhe
Kis Ko Sairaab Kare Woh Kise Pyaasa Rakhe
Umar Bhar Kaun Nibhaata Hai Talluq Itna
Ae Meri Jaan Ke Dushman Tujhe Allah Rakhe
Hum Ko Achha Nahin Lagta Koi Hum Naam Tera
Koi Tujh Sa Ho To Phir Naam Bhi Tujh Sa Rakhe
Dil Bhi Paagal Hai Ke Us Shakhs Se Waabasta Hai
Jo Kisi Aur Ka Hone De Na Apna Rakhe
Kam Nahin Tama-e-Ibadat Bhi To Hirs-e-Zar Se
Faqr To Woh Hai Ke Jo Deen Na Duniya Rakhe
Hans Na Itna Bhi Fakeeron Ke Akele Pan Par
Ja Khuda Meri Tarah Tujh Ko Bhi Tanha Rakhe
Yeh Qana’at Hai Itaa’at Hai Ke Chahat Hai Faraz
Hum To Raazi Hain Woh Jis Haal Mein Jaisa Rakhe
ہر کوئی دل کی ہتھیلی پہ ہے صحرا رکھے
کس کو سیراب کرے وہ کسے پیاسا رکھے
عمر بھر کون نبھاتا ہے تعلق اتنا
اے مری جان کے دشمن تجھے اللہ رکھے
ہم کو اچھا نہیں لگتا کوئی ہم نام ترا
کوئی تجھ سا ہو تو پھر نام بھی تجھ سا رکھے
دل بھی پاگل ہے کہ اس شخص سے وابستہ ہے
جو کسی اور کا ہونے دے نہ اپنا رکھے
کم نہیں طمع عبادت بھی تو حرص زر سے
فقر تو وہ ہے کہ جو دین نہ دنیا رکھے
ہنس نہ اتنا بھی فقیروں کے اکیلے پن پر
جا خدا میری طرح تجھ کو بھی تنہا رکھے
یہ قناعت ہے اطاعت ہے کہ چاہت ہے فرازؔ
ہم تو راضی ہیں وہ جس حال میں جیسا رکھے
