Hawa Chali Thi Kuch Aisi, Bikhar Gaye Hote

Hawa Chali Thi Kuch Aisi, Bikhar Gaye Hote
Ragon Mein Khoon Na Hota To Mar Gaye Hote

Yeh Sard Raat, Yeh Awaargi, Yeh Neend Ka Bojh
Hum Apne Shehar Mein Hote, To Ghar Gaye Hote

Naye Shaoor Ko Jin Ka Shikaar Hona Tha
Woh Haadse Bhi Humein Par Guzar Gaye Hote

Humi Ne Rok Liye Sar Yeh Teesha-E-Ilzaam
Wagairnah Shehar Mein Kis Kis Ke Sar Gaye Hote

Humi Ne Zakhm-E-Dil O Jaan Chhupa Liye, Warna
Na Jane Kitnon Ke Chehray Utr Gaye Hote

Sukoon-E-Dil Ko Na Is Tarah Bhi Taraste Hum
Tere Karam Se Jo Bach Kar, Guzar Gaye Hote

Jo Teer, Andhi Hawa Ne Chalaaye The Kal Raat!
Na Hote Hum, To Najane Kidhar Gaye Hote

Humein Bhi Dukh To Bohat Hai, Magar Yeh Jhoot Nahi
Bhula Na Dete Use Hum, To Mar Gaye Hote

Jo Hum Bhi Us Se Zamaane Ki Tarah Milte, Umeed
Hamare Shaam O Sahar Bhi Sanwar Gaye Hote

Umeed Fazli

ہَوا چلی تھی کُچھ ایسی، بِکھر گئے ہوتے
رَگوں میں خُون نہ ہوتا تو مر گئے ہوتے

یہ سرد رات، یہ آوارگی، یہ نیند کا بَوجھ
ہم اپنے شہر میں ہوتے، تو گھر گئے ہوتے

نئے شعوُر کو جِن کا شِکار ہونا تھا
وہ حادثے بھی ہَمَیں پر گُزر گئے ہوتے

ہمی نے رَوک لِئے سر یہ تیشۂ اِلزام
وگرنہ شہر میں کِس کِس کے سر گئے ہوتے

ہمی نے زخمِ دل و جاں چُھپا لیے، ورنہ
نہ جانے کتنوں کے چہرے اُتر گئے ہوتے

سکون ِ دِل کو نہ اِس طرح بھی ترستے ہم
تِرے کَرَم سے سے جو بچ کر، گُزر گئے ہوتے

جو تِیر، اندھی ہَوا نے چلائے تھے کل رات!
نہ ہوتے ہم ، تو نجانے کِدھر گئے ہوتے

ہَمَیں بھی دُکھ تو بہت ہے، مگر یہ جھوٹ نہیں
بُھلا نہ دیتے اُسے ہم، تو مر گئے ہوتے

جو ہم بھی اُس سے زمانے کی طرح ملتےاُمیدؔ
ہمارے شام و سحر بھی سنور گئے ہوتے

اُمیؔد فاضلی

Hawa Chali Thi Kuch Aisi, Bikhar Gaye Hote – Umeed Fazli