Honton Pe Kabhi Unke Mera Naam Hi Aaye
Ada Jafri Poetry – ادا جعفری
Honton Pe Kabhi Unke Mera Naam Hi Aaye
Aaye To Sahi Bar Sar-e-Iltzaam Hi Aaye
Hairaan Hain Lab Basta Hain Dilgeer Hain Ghunche
Khushboo Ki Zabaani Tera Paighaam Hi Aaye
Lamhaat-e-Masarrat Hain Tasavvur Se Gurezaan
Yaad Aaye Hain Jab Bhi Gham-o-Aalaam Hi Aaye
Taaron Se Saja Lenge Rah-e-Shehr-e-Tamanna
Maqdoor Nahin Subah Chalo Shaam Hi Aaye
Kya Raah Badalne Ka Gila Hum Safaron Se
Jis Rah Se Chale Tere Dar-o-Baam Hi Aaye
Thak Haar Ke Baithe Hain Sar-e-Kooye-Tamanna
Kaam Aaye To Phir Jazba-e-Naakaam Hi Aaye
Baaki Na Rahe Saakh Ada Dasht-e-Junoon Ki
Dil Mein Agar Andesha-e-Anjaam Hi Aaye
– Ada Jafri
ہونٹوں پہ کبھی ان کے مرا نام ہی آئے
آئے تو سہی بر سر الزام ہی آئے
حیران ہیں لب بستہ ہیں دلگیر ہیں غنچے
خوشبو کی زبانی ترا پیغام ہی آئے
لمحات مسرت ہیں تصور سے گریزاں
یاد آئے ہیں جب بھی غم و آلام ہی آئے
تاروں سے سجا لیں گے رہ شہر تمنا
مقدور نہیں صبح چلو شام ہی آئے
کیا راہ بدلنے کا گلہ ہم سفروں سے
جس رہ سے چلے تیرے در و بام ہی آئے
تھک ہار کے بیٹھے ہیں سر کوئے تمنا
کام آئے تو پھر جذبۂ ناکام ہی آئے
باقی نہ رہے ساکھ اداؔ دشت جنوں کی
دل میں اگر اندیشۂ انجام ہی آئے
