Hum Hi Mein Thi Na Koi Baat

Hum Hi Mein Thi Na Koi Baat, Yaad Na Tum Ko Aa Sake
Tum Ne Humein Bhula Diya, Hum Na Tumhein Bhula Sake

Tum Hi Na Sun Sake Agar, Qissa-e-Gham Sunega Kaun
Kis Ki Zubaan Khulegi Phir, Hum Na Agar Suna Sake

Hosh Mein Aa Chuke The Hum, Josh Mein Aa Chuke The Hum
Bazm Ka Rang Dekh Kar, Sar Na Magar Utha Sake

Ronaq-e-Bazm Ban Gaye, Lab Pe Hikayatein Rahi
Dil Mein Shikayatein Rahi, Lab Na Magar Hila Sake

Shauq-e-Wisaal Hai Yahan, Lab Pe Sawaal Hai Yahan
Kis Ki Majaal Hai Yahan, Hum Se Nazar Mila Sake

Aisa Ho Koi Naama Bar, Baat Pe Kaan Dhar Sake
Sun Ke Yaqeen Kar Sake, Ja Ke Unhein Suna Sake

Ajz Se Aur Barh Gayi, Barhami Mizaaj-e-Dost
Ab Woh Kare Ilaaj-e-Dost, Jis Ki Samajh Mein Aa Sake

Ahl-e-Zubaan To Hain Bohat, Koi Nahin Hai Ahl-e-Dil
Kaun Teri Tarah Hafeez, Dard Ke Geet Ga Sake

ہم ہی میں تھی نہ کوئی بات یاد نہ تم کو آ سکے
تم نے ہمیں بھلا دیا ہم نہ تمہیں بھلا سکے

تم ہی نہ سن سکے اگر قصۂ غم سنے گا کون
کس کی زباں کھلے گی پھر ہم نہ اگر سنا سکے

ہوش میں آ چکے تھے ہم جوش میں آ چکے تھے ہم
بزم کا رنگ دیکھ کر سر نہ مگر اٹھا سکے

رونق بزم بن گئے لب پہ حکایتیں رہیں
دل میں شکایتیں رہیں لب نہ مگر ہلا سکے

شوق وصال ہے یہاں لب پہ سوال ہے یہاں
کس کی مجال ہے یہاں ہم سے نظر ملا سکے

ایسا ہو کوئی نامہ بر بات پہ کان دھر سکے
سن کے یقین کر سکے جا کے انہیں سنا سکے

عجز سے اور بڑھ گئی برہمی مزاج دوست
اب وہ کرے علاج دوست جس کی سمجھ میں آ سکے

اہل زباں تو ہیں بہت کوئی نہیں ہے اہل دل
کون تری طرح حفیظؔ درد کے گیت گا سکے

Hum Hi Mein Thi Na Koi Baat, Yaad Na Tum Ko Aa Sake – Hafeez Jalandhari