Hum Jee Rahe Hain Koi Bahana Kiye Bagair

Jaun Elia Poetry, Jaun Elia Shayari, Jaun Elia Sad Shayari, Urdu Shad Poetry

Jaul Elia Poetry

hum jee rahe hain koi bahana kiye baghair
us ke baghair us ki tamanna kiye baghair

ambaar us ka parda-e-hurmat bana miyan
diwar tak nahin giri parda kiye baghair

yaran wo jo hai mera masiha-e-jaan-o-dil
be-had aziz hai mujhe achchha kiye baghair

main bistar-e-KHayal pe leTa hun us ke pas
subh-e-azal se koi taqaza kiye baghair

us ka hai jo bhi kuch hai mera aur main magar
wo mujh ko chahiye koi sauda kiye baghair

ye zindagi jo hai use ma’ana bhi chahiye
wada hamein qubul hai ifa kiye baghair

ai qatilon ke shahr bas itni hi arz hai
main hun na qatl koi tamasha kiye baghair

murshid ke jhoot ki to saza be-hisab hai
tum chhoDiyo na shahr ko sahra kiye baghair

un aanganon mein kitna sukun o surur tha
aaraish-e-nazar teri parwa kiye baghair

yaran Khusha ye roz o shab-e-dil ki ab hamein
sab kuchh hai KHush-gawar gawara kiye baghair

girya-kunan ki fard mein apna nahin hai nam
hum girya-kun azal ke hain girya kiye baghair

aakhir hain kaun log jo baKHshe hi jaenge
tareekh ke haram se tauba kiye baghair

wo sunni bachcha kaun tha jis ki jafa ne jaun
shia bana diya hamein shia kiye baghair

ab tum kabhi na aaoge yani kabhi kabhi
rukhsat karo mujhe koi wada kiye baghair

ہم جی رہے ہیں کوئی بہانہ کیے بغیر

ہم جی رہے ہیں کوئی بہانہ کیے بغیر
اس کے بغیر اس کی تمنا کئے بغیر

انبار اس کا پردۂ حرمت بنا میاں
دیوار تک نہیں گری پردا کیے بغیر

یاراں وہ جو ہے میرا مسیحائے جان و دل
بے حد عزیز ہے مجھے اچھا کیے بغیر

میں بستر خیال پہ لیٹا ہوں اس کے پاس
صبح ازل سے کوئی تقاضا کیے بغیر

اس کا ہے جو بھی کچھ ہے مرا اور میں مگر

وہ مجھ کو چاہئے کوئی سودا کیے بغیر

یہ زندگی جو ہے اسے معنیٰ بھی چاہیے

وعدہ ہمیں قبول ہے ایفا کیے بغیر

اے قاتلوں کے شہر بس اتنی ہی عرض ہے

میں ہوں نہ قتل کوئی تماشا کیے بغیر

مرشد کے جھوٹ کی تو سزا بے حساب ہے

تم چھوڑیو نہ شہر کو صحرا کیے بغیر

ان آنگنوں میں کتنا سکون و سرور تھا

آرائش نظر تری پروا کیے بغیر

یاراں خوشا یہ روز و شب دل کہ اب ہمیں

سب کچھ ہے خوش گوار گوارا کیے بغیر

گریہ کناں کی فرد میں اپنا نہیں ہے نام

ہم گریہ کن ازل کے ہیں گریہ کیے بغیر

آخر ہیں کون لوگ جو بخشے ہی جائیں گے

تاریخ کے حرام سے توبہ کیے بغیر

وہ سنی بچہ کون تھا جس کی جفا نے جونؔ

شیعہ بنا دیا ہمیں شیعہ کیے بغیر

اب تم کبھی نہ آؤ گے یعنی کبھی کبھی

رخصت کرو مجھے کوئی وعدہ کیے بغیر

Hum Jee Rahe Hain Koi Bahana Kiye Bagair – Jaun Elia Poetry