Hum Khwabon Ke Bewapari The
Ahmad Faraz
Hum Khwabon Ke Bewapari The
Par Is Mein Hua Nuqsan Bada
Kuch Bakht Mein Dheeron Kalk Thi
Kuch Ab Ke Ghazab Ka Kaal Pada
Hum Raakh Liye Hain Jhooli Mein
Aur Sar Pe Hai Sahukar Khada
Yahan Boond Nahin Hai Diwe Mein
Woh Baaj Byaaj Ki Baat Kare
Hum Baanjh Zameen Ko Takte Hain
Woh Dhor Anaaj Ki Baat Kare
Hum Kuch Din Ki Mohlat Maangen
Woh Aaj Hi Aaj Ki Baat Kare
Jab Dharti Sehra Sehra Thi
Hum Darya Darya Roye The
Jab Haath Ki Rekhaain Chup Thiin
Aur Sar Sangeet Mein Soye The
Tab Hum Ne Jeevan Kheti Mein
Kuch Khwab Anokhe Boye The
Kuch Khwab Sajal Muskaanon Ke
Kuch Bol Kabt Diwano Ke
Kuch Lafz Jinhein Ma’ni Nah Mile
Kuch Geet Shikasta Janoon Ke
Kuch Neer Wafa Ki Shamaon Ke
Kuch Par Paagal Parwano Ke
Par Apni Ghayal Aankhon Se
Khush Ho Ke Lahoo Chhidkaya Tha
Matti Mein Maas Ki Khaad Bhari
Aur Nas Nas Ko Zakhmaya Tha
Aur Bhool Gaye Pichhli Raat Mein
Kya Khoya Tha Kya Paaya Tha
Har Baar Gagan Ne Wahm Diya
Ab Ke Barkha Jab Aayegi
Har Beej Se Konpal Phoote Gi
Aur Har Konpal Phal Laayegi
Sar Pe Chhaya Chhatri Hogi
Aur Dhoop Ghata Ban Jaayegi
Jab Fasal Kati To Kya Dekha
Kuch Dard Ke Toote Gajre The
Kuch Zakhmi Khwab The Kaanton Par
Kuch Khakstar Se Kajre The
Aur Door Ufaq Ke Saagar Mein
Kuch Dolte Doobte Bajre The
Ab Paaon Khadaon Dhool Bhari
Aur Jism Pe Jog Ka Chola Hai
Sab Sangi Saathi Bhed Bhare
Koi Maasa Hai Koi Tola Hai
Is Taak Mein Yeh Is Ghaat Mein Woh
Har Aur Thagon Ka Tola Hai
Ab Ghaat Nah Ghar Dehleez Nah Dar
Ab Paas Raha Hai Kya Baba
Bas Tan Ki Gathri Baqi Hai
Ja Yeh Bhi To Le Ja Baba
Hum Basti Chhoday Jaate Hain
To Apna Qarz Chuka Baba
ہم خوابوں کے بیوپاری تھے
پر اس میں ہوا نقصان بڑا
کچھ بخت میں ڈھیروں کالک تھی
کچھ اب کے غضب کا کال پڑا
ہم راکھ لیے ہیں جھولی میں
اور سر پہ ہے ساہوکار کھڑا
یاں بوند نہیں ہے ڈیوے میں
وہ باج بیاج کی بات کرے
ہم بانجھ زمین کو تکتے ہیں
وہ ڈھور اناج کی بات کرے
ہم کچھ دن کی مہلت مانگیں
وہ آج ہی آج کی بات کرے
جب دھرتی صحرا صحرا تھی
ہم دریا دریا روئے تھے
جب ہاتھ کی ریکھائیں چپ تھیں
اور سر سنگیت میں سوئے تھے
تب ہم نے جیون کھیتی میں
کچھ خواب انوکھے بوئے تھے
کچھ خواب سجل مسکانوں کے
کچھ بول کبت دیوانوں کے
کچھ لفظ جنہیں معنی نہ ملے
کچھ گیت شکستہ جانوں کے
کچھ نیر وفا کی شمعوں کے
کچھ پر پاگل پروانوں کے
پر اپنی گھائل آنکھوں سے
خوش ہو کے لہو چھڑکایا تھا
ماٹی میں ماس کی کھاد بھری
اور نس نس کو زخمایا تھا
اور بھول گئے پچھلی رت میں
کیا کھویا تھا کیا پایا تھا
ہر بار گگن نے وہم دیا
اب کے برکھا جب آئے گی
ہر بیج سے کونپل پھوٹے گی
اور ہر کونپل پھل لائے گی
سر پر چھایا چھتری ہوگی
اور دھوپ گھٹا بن جائے گی
جب فصل کٹی تو کیا دیکھا
کچھ درد کے ٹوٹے گجرے تھے
کچھ زخمی خواب تھے کانٹوں پر
کچھ خاکستر سے کجرے تھے
اور دور افق کے ساگر میں
کچھ ڈولتے ڈوبتے بجرے تھے
اب پاؤں کھڑاؤں دھول بھری
اور جسم پہ جوگ کا چولا ہے
سب سنگی ساتھی بھید بھرے
کوئی ماسہ ہے کوئی تولا ہے
اس تاک میں یہ اس گھات میں وہ
ہر اور ٹھگوں کا ٹولا ہے
اب گھاٹ نہ گھر دہلیز نہ در
اب پاس رہا ہے کیا بابا
بس تن کی گٹھری باقی ہے
جا یہ بھی تو لے جا بابا
ہم بستی چھوڑے جاتے ہیں
تو اپنا قرض چکا بابا
Is Waqt To Yun Lagta Hai Ab Kuch Bhi Nahi Hai – Faiz
Badbaan Khulne Se Pehle Ka Ishara Dekhna – Parveen Shakir
Sabab Woh Pooch Rahe Hain Udaas Hone Ka – Rahat Indori
