Hum Ko Mita Sake Ye Zamane Mein Dum Nahi

Hum Ko Mita Sake Ye Zamane Mein Dum Nahi
Hum Se Zamanah Khud Hai Zamanay Se Hum Nahi

Be Faida Alam Nahi Be Kaar Gham Nahi
Taufiq De Khuda To Ye Nemat Bhi Kam Nahi

Meri Zubaan Pe Shikwa-E-Ahl-E-Sitam Nahi
Mujh Ko Jaga Diya Yehi Ehsaan Kam Nahi

Ya Rab Hujoom-E-Dard Ko De Aur Wus’atein
Daman To Kya Abhi Meri Aankhein Bhi Nam Nahi

Shikwah To Aik Chhed Hai Lekin Haqiqat-An
Tera Sitam Bhi Teri Inayat Se Kam Nahi

Ab Ishq Is Maqam Pe Hai Justuju Naward
Saya Nahi Jahan Koi Naqsh-E-Qadam Nahi

Milta Hai Kyun Maza Sitam-E-Rozgar Mein
Tera Karam Bhi Khud Jo Shareek-E-Sitam Nahi

Marg-E-Jigar Pe Kyun Teri Aankhein Hain Ashk Reiz
Ek Sanha Sahi Magar Itna Aham Nahi

ہم کو مٹا سکے یہ زمانے میں دم نہیں
ہم سے زمانہ خود ہے زمانے سے ہم نہیں

بے فائدہ الم نہیں بے کار غم نہیں
توفیق دے خدا تو یہ نعمت بھی کم نہیں

میری زباں پہ شکوۂ اہل ستم نہیں
مجھ کو جگا دیا یہی احسان کم نہیں

یا رب ہجوم درد کو دے اور وسعتیں
دامن تو کیا ابھی مری آنکھیں بھی نم نہیں

شکوہ تو ایک چھیڑ ہے لیکن حقیقتاً
تیرا ستم بھی تیری عنایت سے کم نہیں

اب عشق اس مقام پہ ہے جستجو نورد
سایہ نہیں جہاں کوئی نقش قدم نہیں

ملتا ہے کیوں مزہ ستم روزگار میں
تیرا کرم بھی خود جو شریک ستم نہیں

مرگ جگرؔ پہ کیوں تری آنکھیں ہیں اشک ریز
اک سانحہ سہی مگر اتنا اہم نہیں

Hum Ko Mita Sake Ye Zamane Mein Dum Nahi – Jigar Muradabadi