Hum Ne Teri Khaatir Se Dilzaar Bhi Chhorda

Hum Ne Teri Khaatir Se Dilzaar Bhi Chhorda
Tu Bhi Na Hua Yaar Aur Ek Yaar Bhi Chhorda

Kya Hoga Rafoogar Se Rafoo Mera Garebaan
Ae Dast-e-Junoon, Tune Nahin Taar Bhi Chhorda

Deen De Ke Gaya Kufr Ke Bhi Kaam Se Aashiq
Tasbeeh Ke Saath Us Ne To Zannaar Bhi Chhorda

Gosha Mein Teri Chashm-e-Siyah Mast Ke Dil Ne
Ki Jab Se Jagah, Khaana-e-Khumaar Bhi Chhorda

Us Se Hai Ghareebon Ko Tasalli Ke Ajjal Ne
Muflis Ko Jo Maara To Na Zardaar Bhi Chhorda

Terhe Na Ho Hum Se Rakho Ikhlaas To Seedha
Tum Pyaar Se Rukte Ho To Lo Pyaar Bhi Chhorda

Kya Chhoden Aseeraan-e-Mohabbat Ko Wo Jis Ne
Sadqe Mein Na Ek Murgh-e-Girtaar Bhi Chhorda

Pahunchi Meri Ruswaai Ki Kyonkar Khabar Us Ko
Us Shokh Ne To Dekhna Akhbaar Bhi Chhorda

Karta Tha Jo Yahan Aane Ka Jhoota Kabhi Iqraar
Muddat Se Zafar Us Ne Woh Iqraar Bhi Chhorda

ہم نے تری خاطر سے دل زار بھی چھوڑا
تو بھی نہ ہوا یار اور اک یار بھی چھوڑا

کیا ہوگا رفوگر سے رفو میرا گریبان
اے دست جنوں تو نے نہیں تار بھی چھوڑا

دیں دے کے گیا کفر کے بھی کام سے عاشق
تسبیح کے ساتھ اس نے تو زنار بھی چھوڑا

گوشہ میں تری چشم سیہ مست کے دل نے
کی جب سے جگہ خانۂ خمار بھی چھوڑا

اس سے ہے غریبوں کو تسلی کہ اجل نے
مفلس کو جو مارا تو نہ زردار بھی چھوڑا

ٹیڑھے نہ ہو ہم سے رکھو اخلاص تو سیدھا
تم پیار سے رکتے ہو تو لو پیار بھی چھوڑا

کیا چھوڑیں اسیران محبت کو وہ جس نے
صدقے میں نہ اک مرغ گرفتار بھی چھوڑا

پہنچی مری رسوائی کی کیونکر خبر اس کو
اس شوخ نے تو دیکھنا اخبار بھی چھوڑا

کرتا تھا جو یاں آنے کا جھوٹا کبھی اقرار
مدت سے ظفرؔ اس نے وہ اقرار بھی چھوڑا

Hum Ne Teri Khaatir Se Dilzaar Bhi Chhorda – Bahadur Shah Zafar