Humein To Khair Koi Doosra Acha Nahin Lagta
Humein To Khair Koi Doosra Acha Nahin Lagta
Unhein Khud Bhi Koi Apne Siwa Acha Nahin Lagta
Nahin Gar Naghma-e-Shadi Nafeer-e-Gham Sahi Koi
Ke Saaz-e-Zindagani Be-Sada Acha Nahin Lagta
Humein Ye Band Kamron Ka Makaan Kuch Bha Gaya Itna
Ke Hum Ko Ab Koi Aangan Khula Acha Nahin Lagta
Kuch Itni Talkh Us Din Ho Gayi Thi Guftagu Un Se
Kayi Din Se Zabaan Ka Zaiqa Acha Nahin Lagta
Kabhi Nazdeek Aa Kar Roobaru Bhi Hon Mulaqatein
Ke Hum Sayon Mein Itna Faasla Acha Nahin Lagta
Kathin Raston Pe Chalna Apni Iftaad-e-Tabiyat Hai
Humein Aasaan Koi Raasta Acha Nahin Lagta
Use Hum Marsiya Goyon Pe Mohsin Chhor Dete Hain
Likhein Hum Aap Apna Marsiya Acha Nahin Lagta
Mohsin Zaidi
ہمیں تو خیر کوئی دوسرا اچھا نہیں لگتا
انہیں خود بھی کوئی اپنے سوا اچھا نہیں لگتا
نہیں گر نغمۂ شادی نفیر غم سہی کوئی
کہ ساز زندگانی بے صدا اچھا نہیں لگتا
ہمیں یہ بند کمروں کا مکاں کچھ بھا گیا اتنا
کہ ہم کو اب کوئی آنگن کھلا اچھا نہیں لگتا
کچھ اتنی تلخ اس دن ہو گئی تھی گفتگو ان سے
کئی دن سے زباں کا ذائقہ اچھا نہیں لگتا
کبھی نزدیک آ کر روبرو بھی ہوں ملاقاتیں
کہ ہم سایوں میں اتنا فاصلہ اچھا نہیں لگتا
کٹھن رستوں پہ چلنا اپنی افتاد طبیعت ہے
ہمیں آسان کوئی راستا اچھا نہیں لگتا
اسے ہم مرثیہ گویوں پہ محسنؔ چھوڑ دیتے ہیں
لکھیں ہم آپ اپنا مرثیہ اچھا نہیں لگتا
محسن زیدی
