Is Guftagu Se Yoon To Koi Mudda’a Nahin

Is Guftagu Se Yoon To Koi Mudda’a Nahin
Dil Ke Siwa Hareef Koi Doosra Nahin

Aankhein Taras Gayin Tumhein Dekhe Hue Magar
Ghar Qabil-e-Ziyafat Mehmaan Raha Nahin

Naqoos Koi Behr Ki Teh Mein Hai Naara-Zan
Sahil Ki Yeh Sada To Koi Nakhuda Nahin

Maana Keh Zindagi Mein Hai Zid Ka Bhi Ek Maqaam
Tum Aadmi Ho Baat To Sun Lo Khuda Nahin

Lutf-e-Sukhan Yehi Tha Keh Khud Tum Bhi Kuch Kaho
Yeh Weham Hai Keh Ab Koi Gosh-e-Wafa Nahin

Meri Wafa Baraye Wafa Ittefaq Thi
Mere Siwa Kisi Pe Yeh Afsun Chala Nahin

Us Ki Nazar Taghayyur-e-Halaat Par Gayi
Koi Mizaj-Daan-e-Mohabbat Mila Nahin

اس گفتگو سے یوں تو کوئی مدعا نہیں
دل کے سوا حریف کوئی دوسرا نہیں

آنکھیں ترس گئیں تمہیں دیکھے ہوئے مگر
گھر قابل ضیافت مہماں رہا نہیں

ناقوس کوئی بحر کی تہہ میں ہے نعرہ زن
ساحل کی یہ صدا تو کوئی ناخدا نہیں

مانا کہ زندگی میں ہے ضد کا بھی ایک مقام
تم آدمی ہو بات تو سن لو خدا نہیں

لطف سخن یہی تھا کہ خود تم بھی کچھ کہو
یہ وہم ہے کہ اب کوئی گوش وفا نہیں

میری وفا برائے وفا اتفاق تھی
میرے سوا کسی پہ یہ افسوں چلا نہیں

اس کی نظر تغیر حالات پر گئی
کوئی مزاج دان محبت ملا نہیں

اس گفتگو سے یوں تو کوئی مدعا نہیں - عزیز حامد مدنی