Is Taraf Se Guzray Thay Qaflay Bahaaron Ke

Is Taraf Se Guzray Thay Qaflay Bahaaron Ke
Aaj Tak Salagte Hain Zakhm Rah Guzaron Ke

Khalwaton Ke Sheedai Khalwaton Mein Khiltay Hain
Hum Se Pooch Kar Dekho Raaz Pardah Daaron Ke

Gisoon Ki Chhaon Mein Dil Nawaz Chehray Hain
Ya Haseen Dhandhlakon Mein Phool Hain Bahaaron Ke

Pehle Hans Kar Miltay Hain Phir Nazar Churatay Hain
Aashna Sifat Hain Log Ujnabi Diaron Ke

Tum Ne Sirf Chaha Hai Hum Ne Chhoo Ke Dekhay Hain
Pehrhan Ghataon Ke Jism Barq Paron Ke

Shughl May-Parasti Go Jashn Namuradi Tha
Yoon Bhi Kat Gaye Kuch Din Tere Sogwaron Ke

اس طرف سے گزرے تھے قافلے بہاروں کے
آج تک سلگتے ہیں زخم رہ گزاروں کے

خلوتوں کے شیدائی خلوتوں میں کھلتے ہیں
ہم سے پوچھ کر دیکھو راز پردہ داروں کے

گیسوؤں کی چھاؤں میں دل نواز چہرے ہیں
یا حسیں دھندلکوں میں پھول ہیں بہاروں کے

پہلے ہنس کے ملتے ہیں پھر نظر چراتے ہیں
آشنا صفت ہیں لوگ اجنبی دیاروں کے

تم نے صرف چاہا ہے ہم نے چھو کے دیکھے ہیں
پیرہن گھٹاؤں کے جسم برق پاروں کے

شغل مے پرستی گو جشن نامرادی تھا
یوں بھی کٹ گئے کچھ دن تیرے سوگواروں کے

Is Taraf Se Guzray Thay Qaflay Bahaaron Ke – Sahir Ludhianvi