Ishq Mujh Ko Nahi Wahshat Hi Sahi

Ishq Mujh Ko Nahi Wahshat Hi Sahi
Meri Wahshat Teri Shohrat Hi Sahi

Qat Kiye Na Taalluq Hum Se
Kuch Nahin Hai To Adawat Hi Sahi

Mere Hone Mein Hai Kya Ruswai
Ae Woh Majlis Nahin Khalwat Hi Sahi

Hum Bhi Dushman To Nahin Hain Apne
Ghair Ko Tujh Se Mohabbat Hi Sahi

Apni Hasti Hi Se Ho Jo Kuch Ho
Aagahi Gar Nahin Ghaflat Hi Sahi

Umar Har Chand Ke Hai Barq Khiraam
Dil Ke Khoon Karne Ki Fursat Hi Sahi

Hum Koi Tark Wafa Karte Hain
Na Sahi Ishq Museebat Hi Sahi

Kuch To De Ae Falak Na-Insaaf
Aah O Faryaad Ki Rukhsat Hi Sahi

Hum Bhi Tasleem Ki Kho Daalenge
Be-Niazi Teri Aadat Hi Sahi

Yaar Se Chhed Chali Jaye Asad
Gar Nahin Wasl To Hasrat Hi Sahi

عشق مجھ کو نہیں وحشت ہی سہی
میری وحشت تری شہرت ہی سہی

قطع کیجے نہ تعلق ہم سے
کچھ نہیں ہے تو عداوت ہی سہی

میرے ہونے میں ہے کیا رسوائی
اے وہ مجلس نہیں خلوت ہی سہی

ہم بھی دشمن تو نہیں ہیں اپنے
غیر کو تجھ سے محبت ہی سہی

اپنی ہستی ہی سے ہو جو کچھ ہو
آگہی گر نہیں غفلت ہی سہی

عمر ہرچند کہ ہے برق خرام
دل کے خوں کرنے کی فرصت ہی سہی

ہم کوئی ترک وفا کرتے ہیں
نہ سہی عشق مصیبت ہی سہی

کچھ تو دے اے فلک ناانصاف
آہ و فریاد کی رخصت ہی سہی

ہم بھی تسلیم کی خو ڈالیں گے
بے نیازی تری عادت ہی سہی

یار سے چھیڑ چلی جائے اسدؔ
گر نہیں وصل تو حسرت ہی سہی

Ishq Mujh Ko Nahi Wahshat Hi Sahi – Mirza Ghalib