Jab Bahaar Aayi To Sehra Ki Taraf Chal Nikla (Full Ghazal)

Jab Bahaar Aayi To Sehra Ki Taraf Chal Nikla
Sehn-E-Gul Chhod Gaya, Dil Mera Paagal Nikla

Jab Use Dhoondhne Nikle To Nishaan Tak Na Mila
Dil Mein Maujood Raha, Aankh Se Oojhal Nikla

Ek Mulaaqaat Thi Jo Dil Ko Sada Yaad Rahi
Hum Jise Umar Samajhte The Woh Ek Pal Nikla

Woh Jo Afsana-E-Gham Sun Ke Hansa Karte The
Itna Roye Hain Ke Sab Aankh Ka Kajal Nikla

Hum Sukoon Dhoondhne Nikle The, Pareshan Rahe
Shehar To Shehar Hai, Jungle Bhi Na Jungle Nikla

Kaun Ayub Pareshan Nahin Taareeki Mein
Chaand Aflaak Pe, Dil Seene Mein Be-Kal Nikla

جب بہار آئی تو صحرا کی طرف چل نکلا
صحنِ گُل چھوڑ گیا، دل میرا پاگل نکلا

جب اسے ڈھونڈنے نکلے تو نشاں تک نہ ملا
دل میں موجود رہا۔ آنکھ سے اوجھل نکلا

اک ملاقات تھی جو دل کوسدا یاد رہی
ہم جسے عمر سمجھتے تھے وہ اک پل نکلا

وہ جو افسانہء غم سن کے ہنسا کرتے تھے
اتنا روئے ہیں کہ سب آنکھ کا کاجل نکلا

ہم سکوں ڈھونڈنے نکلے تھے، پریشان رہے
شہر تو شہر ہے، جنگل بھی نہ جنگل نکلا

کون ایوب پریشاں نہیں تاریکی میں
چاند افلاک پہ،دل سینے میں بے کل نکلا