Ek Lafz Mohabbat Ka Adna Ye Fasana Hai
Poet: Jigar Moradabadi
Ek Lafz Mohabbat Ka Adna Ye Fasana Hai
Simte To Dil Aashiq Phailay To Zamana Hai
Ye Kis Ka Tasawwur Hai Ye Kis Ka Fasana Hai
Jo Ashk Hai Aankhon Mein Tasbeeh Ka Dana Hai
Dil Sang Malamat Ka Har Chand Nishana Hai
Dil Phir Bhi Mera Dil Hai Dil Hi To Zamana Hai
Hum Ishq Ke Maron Ka Itna Hi Fasana Hai
Rone Ko Nahin Koi Hansne Ko Zamana Hai
Woh Aur Wafa Dushman Manain Ge Na Mana Hai
Sab Dil Ki Shararat Hai Aankhon Ka Bahana Hai
Shair Hoon Main Shair Hoon Mera Hi Zamana Hai
Fitrat Mera Aaina Qudrat Mera Shaana Hai
Jo Un Pe Guzarti Hai Kis Ne Use Jana Hai
Apni Hi Museebat Hai Apna Hi Fasana Hai
Kya Husn Ne Samjha Hai Kya Ishq Ne Jana Hai
Hum Khaak Nasheenon Ki Thokar Mein Zamana Hai
Aaghaz Mohabbat Hai Aana Hai Na Jana Hai
Ashkon Ki Hukumat Hai Aahon Ka Zamana Hai
Aankhon Mein Nami Si Hai Chup Chup Se Woh Baithe Hain
Nazuk Si Nigaahon Mein Nazuk Sa Fasana Hai
Hum Dard Ba Dil Nalan Woh Dast Ba Dil Hairan
Ae Ishq Tu Kya Zalim Tera Hi Zamana Hai
Ya Woh The Khafa Hum Se Ya Hum Hain Khafa Un Se
Kal Un Ka Zamana Tha Aaj Apna Zamana Hai
Ae Ishq Junoon Pesha Haan Ishq Junoon Pesha
Aaj Ek Sitamgar Ko Hans Hans Ke Rulana Hai
Thodi Si Ijazat Bhi Ae Bazm Gah-e-Hasti
Aa Niklay Hain Dam Bhar Ko Rona Hai Rulana Hai
Ye Ishq Nahin Aasaan Itna Hi Samajh Lijiye
Ek Aag Ka Darya Hai Aur Doob Ke Jana Hai
Khud Husn-o-Shabab Un Ka Kya Kam Hai Raqeeb Apna
Jab Dekhiye Ab Woh Hain Aaina Hai Shaana Hai
Tasveer Ke Do Rukh Hain Jaan Aur Gham-e-Janaan
Ek Naqsh Chhupana Hai Ek Naqsh Dikhana Hai
Ye Husn-o-Jamaal Un Ka Ye Ishq-o-Shabab Apna
Jeene Ki Tamanna Hai Marne Ka Zamana Hai
Mujh Ko Isi Dhun Mein Hai Har Lahza Basar Karna
Ab Aaye Woh Ab Aaye Lazim Unhein Aana Hai
Khuddaari-o-Mehroomi Mehroomi-o-Khuddaari
Ab Dil Ko Khuda Rakkhe Ab Dil Ka Zamana Hai
Ashkon Ke Tabsum Mein Aahon Ke Tarannum Mein
Masoom Mohabbat Ka Masoom Fasana Hai
Aansu To Bahut Se Hain Aankhon Mein Jigar Lekin
Bandh Jaye So Moti Hai Reh Jaye So Dana Hai
Ek Lafz Mohabbat Ka Adna Ye Fasana Hai
Poetry in Urdu
اک لفظ محبت کا ادنیٰ یہ فسانا ہے
سمٹے تو دل عاشق پھیلے تو زمانا ہے
یہ کس کا تصور ہے یہ کس کا فسانا ہے
جو اشک ہے آنکھوں میں تسبیح کا دانا ہے
دل سنگ ملامت کا ہر چند نشانا ہے
دل پھر بھی مرا دل ہے دل ہی تو زمانا ہے
ہم عشق کے ماروں کا اتنا ہی فسانا ہے
رونے کو نہیں کوئی ہنسنے کو زمانا ہے
وہ اور وفا دشمن مانیں گے نہ مانا ہے
سب دل کی شرارت ہے آنکھوں کا بہانا ہے
شاعر ہوں میں شاعر ہوں میرا ہی زمانا ہے
فطرت مرا آئینا قدرت مرا شانا ہے
جو ان پہ گزرتی ہے کس نے اسے جانا ہے
اپنی ہی مصیبت ہے اپنا ہی فسانا ہے
کیا حسن نے سمجھا ہے کیا عشق نے جانا ہے
ہم خاک نشینوں کی ٹھوکر میں زمانا ہے
آغاز محبت ہے آنا ہے نہ جانا ہے
اشکوں کی حکومت ہے آہوں کا زمانا ہے
آنکھوں میں نمی سی ہے چپ چپ سے وہ بیٹھے ہیں
نازک سی نگاہوں میں نازک سا فسانا ہے
ہم درد بہ دل نالاں وہ دست بہ دل حیراں
اے عشق تو کیا ظالم تیرا ہی زمانا ہے
یا وہ تھے خفا ہم سے یا ہم ہیں خفا ان سے
کل ان کا زمانہ تھا آج اپنا زمانا ہے
اے عشق جنوں پیشہ ہاں عشق جنوں پیشہ
آج ایک ستم گر کو ہنس ہنس کے رلانا ہے
تھوڑی سی اجازت بھی اے بزم گہ ہستی
آ نکلے ہیں دم بھر کو رونا ہے رلانا ہے
یہ عشق نہیں آساں اتنا ہی سمجھ لیجے
اک آگ کا دریا ہے اور ڈوب کے جانا ہے
خود حسن و شباب ان کا کیا کم ہے رقیب اپنا
جب دیکھیے اب وہ ہیں آئینہ ہے شانا ہے
تصویر کے دو رخ ہیں جاں اور غم جاناں
اک نقش چھپانا ہے اک نقش دکھانا ہے
یہ حسن و جمال ان کا یہ عشق و شباب اپنا
جینے کی تمنا ہے مرنے کا زمانا ہے
مجھ کو اسی دھن میں ہے ہر لحظہ بسر کرنا
اب آئے وہ اب آئے لازم انہیں آنا ہے
خودداری و محرومی محرومی و خودداری
اب دل کو خدا رکھے اب دل کا زمانا ہے
اشکوں کے تبسم میں آہوں کے ترنم میں
معصوم محبت کا معصوم فسانا ہے
آنسو تو بہت سے ہیں آنکھوں میں جگرؔ لیکن
بندھ جائے سو موتی ہے رہ جائے سو دانا ہے
