Jo Ab Bhi Na Takleef Farmaaiyega – Jigar Moradabadi

Jo Ab Bhi Na Takleef Farmaaiyega

Jigar Moradabadi

Jo Ab Bhi Na Takleef Farmaaiyega
To Bas Haath Milte Hi Reh Jaiyega

Nigaahon Se Chhup Kar Kahaan Jaiyega
Jahaan Jaiyega Humein Paaiyega

Mera Jab Bura Haal Sun Paaiyega
Kharaamaan Kharaamaan Chale Aaiyega

Mita Kar Humein Aap Pachtaiyega
Kami Koi Mehsoos Farmaaiyega

Nahin Khel Naasih Junoon Ki Haqiqat
Samajh Lijiye Ga To Samjhaiyega

Humein Bhi Ye Ab Dekhna Hai Ke Hum Par
Kahaan Tak Tawajjuh Na Farmaaiyega

Sit’m-e-Ishq Mein Aap Aasaan Na Samjhein
Tadap Jaiyega Jo Tadpaaiyega

Ye Dil Hai Ise Dil Hi Bas Rehne Deeje
Karam Keejiye Ga To Pachtaiyega

Kaheen Chup Rahi Hai Zabaan-e-Mohabbat
Na Farmaaiyega To Farmaaiyega

Bhulaana Hamaara Mubaarak Mubaarak
Magar Shart Ye Hai Na Yaad Aaiyega

Humein Bhi Na Ab Chain Aayega Jab Tak
Un Aankhon Mein Aansu Na Bhar Laiyega

Tera Jazb-e-Shauq Hai Be-Haqeeqat
Zara Phir To Irshaad Farmaaiyega

Humein Jab Na Honge To Kya Rang-e-Mehfil
Kise Dekh Kar Aap Sharmaaiyega

Ye Maana Ke De Kar Humein Ranj-e-Furqat
Madaawa-e-Furqat Na Farmaaiyega

Mohabbat Mohabbat Hi Rehti Hai Lekin
Kahaan Tak Tabi’at Ko Behlaiyega

Na Hoga Hamaara Hi Aaghosh Khaali
Kuch Apna Bhi Pehlu Tahee Paaiyega

Junoon Ki Jigar Koi Had Bhi Hai Aakhir
Kahaan Tak Kisi Par Sitam Dhaaiyega

– Jigar Moradabadi

جو اب بھی نہ تکلیف فرمائیے گا
تو بس ہاتھ ملتے ہی رہ جائیے گا

نگاہوں سے چھپ کر کہاں جائیے گا
جہاں جائیے گا ہمیں پائیے گا

مرا جب برا حال سن پائیے گا
خراماں خراماں چلے آئیے گا

مٹا کر ہمیں آپ پچھتائیے گا
کمی کوئی محسوس فرمائیے گا

نہیں کھیل ناصح جنوں کی حقیقت
سمجھ لیجئے گا تو سمجھائیے گا

ہمیں بھی یہ اب دیکھنا ہے کہ ہم پر
کہاں تک توجہ نہ فرمائیے گا

ستم عشق میں آپ آساں نہ سمجھیں
تڑپ جائیے گا جو تڑپائیے گا

یہ دل ہے اسے دل ہی بس رہنے دیجے
کرم کیجئے گا تو پچھتائیے گا

کہیں چپ رہی ہے زبان محبت
نہ فرمائیے گا تو فرمائیے گا

بھلانا ہمارا مبارک مبارک
مگر شرط یہ ہے نہ یاد آئیے گا

ہمیں بھی نہ اب چین آئے گا جب تک
ان آنکھوں میں آنسو نہ بھر لائیے گا

ترا جذبۂ شوق ہے بے حقیقت
ذرا پھر تو ارشاد فرمائیے گا

ہمیں جب نہ ہوں گے تو کیا رنگ محفل
کسے دیکھ کر آپ شرمایئے گا

یہ مانا کہ دے کر ہمیں رنج فرقت
مداوائے فرقت نہ فرمائیے گا

محبت محبت ہی رہتی ہے لیکن
کہاں تک طبیعت کو بہلایئے گا

نہ ہوگا ہمارا ہی آغوش خالی
کچھ اپنا بھی پہلو تہی پائیے گا

جنوں کی جگرؔ کوئی حد بھی ہے آخر
کہاں تک کسی پر ستم ڈھایئے گا