Kabhi Falak Ko Pada Dil Jaloon Se Kaam Nahi

Kabhi Falak Ko Pada Dil Jaloon Se Kaam Nahi
Agar Na Aag Laga Doon, To Daagh Naam Nahi

Wafor-E-Yaas Ne Yaan Kaam Hai Tamaam Kiya
Zabaan-E-Yaar Se Nikli Thi Na Tamaam Nahi

Woh Kaash Wasl Ke Inkaar Par Hi Qaaim Hoon
Magar Unhein To Kisi Baat Par Qiyaam Nahi

Sunai Jaati Hain Darpardah Gaaliyan Mujh Ko
Jo Main Kahoon, To Kahin, Aap Se Kalaam Nahi

Woh Aayenge Shab-E-Waada, Yaqeen Nahi Ae Dil
Chiraagh Ghee Ke Jalaoon, Yeh Aisi Shaam Nahi

Siwae Joor O Jafaa, Maawra-e-Bughz O Daghah
Batoon Ke Waaste Duniya Mein Koi Kaam Nahi

Piyoon, Pulaoon Tujhe, Door Hi Se Tarsaoon
Yeh Roz-E-Eid Hai Zaahid, Mah-E-Siyaam Nahi

Dabao Kya Hai Sune Woh Jo Aap Ki Baatain
Raiszada Hai Daagh, Aap Ka Ghulam Nahi

کبھی فلک کو پڑا دل جلوں سے کام نہیں
اگر نہ آگ لگا دوں، تو داغؔ نام نہیں

وفورِ یاس نے یاں کام ہے تمام کیا
زبانِ یار سے نکلی تھی نا تمام نہیں

وہ کاش وصل کے انکار پر ہی قائم ہوں
مگر انہیں تو کسی بات پر قیام نہیں

سنائی جاتی ہیں درپردہ گالیاں مجھ کو
جو میں کہوں، تو کہیں، آپ سے کلام نہیں

وہ آئیں گے شبِ وعدہ، یقیں نہیں اے دل
چراغ گھی کے جلاؤں، یہ ایسی شام نہیں

سوائے جور و جفا، ماورائے بغض و دغا
بتوں کے واسطے دنیا میں کوئی کام نہیں

پیوں، پلاؤں تجھے، دور ہی سے ترساؤں
یہ روزِ عید ہے زاہد، مہِ صیام نہیں

دباؤ کیا ہے سنے وہ جو آپ کی باتیں
رئیس زادہ ہے داغؔ، آپ کا غلام نہیں

Kabhi Falak Ko Pada Dil Jaloon Se Kaam Nahi – Dagh Dehlvi