Kabhi Jo Maine Musarrat Ka Ehtimam Kiya
Poet: Khumar Barabankvi
Kabhi Jo Maine Musarrat Ka Ehtimam Kiya
Baday Tapaak Se Gham Ne Mujhe Salaam Kiya
Hazaar Tark-E-Talluq Ka Ehteamam Kiya
Magar Jahan Woh Mile Dil Ne Apna Kaam Kiya
Zamane Waalon Ke Dar Se Utha Na Haath Magar
Nazar Se Us Ne Basad Mazrat Salaam Kiya
Kabhi Hanse Kabhi Aahein Bharein Kabhi Roye
Ba-Qadr Martaba Har Gham Ka Ehteraam Kiya
Hamare Hisse Ki May Kaam Aaye Pyaason Ke
Za Raah-E-Khair Gunah Shikast-E-Jaam Kiya
Tulu-E-Mehr Se Bhi Ghar Ki Tairgi Na Ghatti
Ek Aur Shab Kati Ya Maine Din Tamaam Kiya
Dua Ye Hai Na Hon Gumrah Hum-Safar Mere
Khumaar Maine To Apna Safar Tamaam Kiya
کبھی جو میں نے مسرت کا اہتمام کیا
بڑے تپاک سے غم نے مجھے سلام کیا
ہزار ترک تعلق کا اہتمام کیا
مگر جہاں وہ ملے دل نے اپنا کام کیا
زمانے والوں کے ڈر سے اٹھا نہ ہاتھ مگر
نظر سے اس نے بصد معذرت سلام کیا
کبھی ہنسے کبھی آہیں بھریں کبھی روئے
بقدر مرتبہ ہر غم کا احترام کیا
ہمارے حصے کی مے کام آئے پیاسوں کے
ز راہ خیر گناہ شکست جام کیا
طلوع مہر سے بھی گھر کی تیرگی نہ گھٹی
اک اور شب کٹی یا میں نے دن تمام کیا
دعا یہ ہے نہ ہوں گمراہ ہم سفر میرے
خمارؔ میں نے تو اپنا سفر تمام کیا
