Kahin Tum Apni Qismat Ka Likha Tabdeel Kar Lete
Saleem Kausar Poetry Collection
Kahin Tum Apni Qismat Ka Likha Tabdeel Kar Lete
To Shaayad Hum Bhi Apna Raasta Tabdeel Kar Lete
Agar Hum Waaqai Kam Hausla Hote Mohabbat Mein
Marz Barhne Se Pehle Hi Dawa Tabdeel Kar Lete
Tumhaare Saath Chalne Par Jo Dil Raazi Nahin Hota
Bohat Pehle Hum Apna Faisla Tabdeel Kar Lete
Tumhein Un Mausamon Ki Kya Khabar Milti Agar Hum Bhi
Ghutan Ke Khauf Se Aab O Hawa Tabdeel Kar Lete
Tumhaari Tarah Jeene Ka Hunar Aata To Phir Shaayad
Makaan Apna Wohi Rakhte Pata Tabdeel Kar Lete
Wohi Kirdaar Hain Taaza Kahaani Mein Jo Pehle Bhi
Kabhi Chehra Kabhi Apni Qaba Tabdeel Kar Lete
Judaai Bhi Na Hoti Zindagi Bhi Sehl Ho Jaati
Jo Hum Ek Doosre Se Masla Tabdeel Kar Lete
Hamesha Ki Tarah Is Baar Bhi Hum Bol Uthe Warna
Gawaahi Dene Waale Waaqia Tabdeel Kar Lete
Bohat Dhundla Gaya Yaadon Ki Rim Jhim Mein Dil Saada
Woh Mil Jaata To Hum Ye Aaina Tabdeel Kar Lete
کہیں تم اپنی قسمت کا لکھا تبدیل کر لیتے
تو شاید ہم بھی اپنا راستہ تبدیل کر لیتے
اگر ہم واقعی کم حوصلہ ہوتے محبت میں
مرض بڑھنے سے پہلے ہی دوا تبدیل کر لیتے
تمہارے ساتھ چلنے پر جو دل راضی نہیں ہوتا
بہت پہلے ہم اپنا فیصلہ تبدیل کر لیتے
تمہیں ان موسموں کی کیا خبر ملتی اگر ہم بھی
گھٹن کے خوف سے آب و ہوا تبدیل کر لیتے
تمہاری طرح جینے کا ہنر آتا تو پھر شاید
مکان اپنا وہی رکھتے پتا تبدیل کر لیتے
وہی کردار ہیں تازہ کہانی میں جو پہلے بھی
کبھی چہرہ کبھی اپنی قبا تبدیل کر لیتے
جدائی بھی نہ ہوتی زندگی بھی سہل ہو جاتی
جو ہم اک دوسرے سے مسئلہ تبدیل کر لیتے
ہمیشہ کی طرح اس بار بھی ہم بول اٹھے ورنہ
گواہی دینے والے واقعہ تبدیل کر لیتے
بہت دھندلا گیا یادوں کی رم جھم میں دل سادہ
وہ مل جاتا تو ہم یہ آئینہ تبدیل کر لیتے
Pech Rakhte Ho Bohat Saahibo Dastaar Ke Beech – Faraz
Gham Ki Barish Ne Bhi Tere Naqsh Ko Dhoya Nahi – Munir
Abhi Hijr Ka Qayam Hai Aur December Aan Pohuncha Hai
