Khayaal O Khwab Hua Barg O Baar Ka Mausam
Parveen Shakir Poetry
Khayaal O Khwab Hua Barg O Baar Ka Mausam
Bichhad Gaya Teri Soorat Bahaar Ka Mausam
Kai Raton Se Mere Neem-Wa Darichon Mein
Thehar Gaya Hai Tere Intezar Ka Mausam
Woh Narm Lehje Mein Kuch To Kahe Ke Laut Aaye
Samaaton Ki Zameen Par Phwaar Ka Mausam
Payaam Aaya Hai Phir Ek Sarv Qamat Ka
Mere Wujood Ko Kheenchay Hai Daar Ka Mausam
Woh Aag Hai Ke Meri Poor Poor Jalti Hai
Mere Badan Ko Mila Hai Chinar Ka Mausam
Rafaqaton Ke Naye Khwab Khush-Numa Hain Magar
Guzar Chuka Hai Tere Aitbaar Ka Mausam
Hawa Chali To Nayi Baarishen Bhi Saath Aayin
Zameen Ke Chehre Pe Aaya Nikhaar Ka Mausam
Woh Mera Naam Liye Jaye Aur Main Us Ka Naam
Lahoo Mein Goonj Raha Hai Pukaar Ka Mausam
Qadam Rakhe Meri Khushboo Ke Ghar Ko Laut Aaye
Koi Bataaye Mujhe Kooye Yaar Ka Mausam
Woh Roz Aa Ke Mujhe Apna Pyar Pehnaye
Mera Guroor Hai Bele Ke Haar Ka Mausam
Tere Tareeq-e-Mohabbat Pe Barha Socha
Yeh Jabr Tha Ke Tere Ikhtiyaar Ka Mausam
خیال و خواب ہوا برگ و بار کا موسم
بچھڑ گیا تری صورت بہار کا موسم
کئی رتوں سے مرے نیم وا دریچوں میں
ٹھہر گیا ہے ترے انتظار کا موسم
وہ نرم لہجے میں کچھ تو کہے کہ لوٹ آئے
سماعتوں کی زمیں پر پھوار کا موسم
پیام آیا ہے پھر ایک سرو قامت کا
مرے وجود کو کھینچے ہے دار کا موسم
وہ آگ ہے کہ مری پور پور جلتی ہے
مرے بدن کو ملا ہے چنار کا موسم
رفاقتوں کے نئے خواب خوش نما ہیں مگر
گزر چکا ہے ترے اعتبار کا موسم
ہوا چلی تو نئی بارشیں بھی ساتھ آئیں
زمیں کے چہرے پہ آیا نکھار کا موسم
وہ میرا نام لیے جائے اور میں اس کا نام
لہو میں گونج رہا ہے پکار کا موسم
قدم رکھے مری خوشبو کہ گھر کو لوٹ آئے
کوئی بتائے مجھے کوئے یار کا موسم
وہ روز آ کے مجھے اپنا پیار پہنائے
مرا غرور ہے بیلے کے ہار کا موسم
ترے طریق محبت پہ بارہا سوچا
یہ جبر تھا کہ ترے اختیار کا موسم
