Kise Bulana Tha Aur Kis Ke Paas Jaana Tha
Poet: Asim Ijaz
Kise Bulana Tha Aur Kis Ke Paas Jaana Tha
Safar Ka Shauq Tha So Raasta Banaana Tha
Tumhaare Dil Mein Koi Der Hum Ruke To Khula
Tumhaare Dil Mein Kisi Aur Ka Thikaana Tha
Tujhe To Bhool Bhi Sakte The Umr Bhar Ke Liye
Yeh Bebasi To Mohabbat Ka Shaakhsana Tha
Humein To Aakhri Cigarette Ke Aakhri Kash Tak
Khayaal-e-Yaar Ki Chaadar Mein Sar Chhupaana Tha
Tumhaare Haath Mein Tasveer Thi Puraani Si
Humaare Saamne Guzra Hua Zamaana Tha
Bahal Kis Tarah Ronaq Ho Ujre Aangan Ki
Tamaam Log The Ghar Mein To Aashiyaana Tha
کسے بلانا تھا اور کس کے پاس جانا تھا
سفر کا شوق تھا سو راستہ بنانا تھا
تمہارے دل میں کوئی دیر ہم رکے تو کھلا
تمہارے دل میں کسی اور کا ٹھکانہ تھا
تجھے تو بھول بھی سکتے تھے عمر بھر کے لئے
یہ بے بسی تو محبت کا شاخسانہ تھا
ہمیں تو آخری سگریٹ کے آخری کش تک
خیال یار کی چادر میں سر چھپانا تھا
تمہارے ہاتھ میں تصویر تھی پرانی سی
ہمارے سامنے گزرا ہوا زمانہ تھا
بحال کس طرح رونق ہو اجڑے آنگن کی
تمام لوگ تھے گھر میں تو آشیانہ تھا
