Kisi Ka Yoon To Hua Kaun Umr Bhar Phir Bhi
Firaq Gorakhpuri Poetry Collection
Kisi Ka Yoon To Hua Kaun Umr Bhar Phir Bhi
Ye Husn O Ishq To Dhoka Hai Sab Magar Phir Bhi
Hazaar Baar Zamaana Idhar Se Guzra Hai
Nai Nai Si Hai Kuch Teri Rah Guzar Phir Bhi
Kahoon Ye Kaise Idhar Dekh Ya Na Dekh Idhar
Ke Dard Dard Hai Phir Bhi Nazar Nazar Phir Bhi
Khusha Ishaara-E-Paiham Zahe Sukoot-E-Nazar
Daraaz Ho Ke Fasaana Hai Mukhtasar Phir Bhi
Jhapak Rahi Hain Zamaan O Makaan Ki Bhi Aankhein
Magar Hai Qaafila Aamaada-E-Safar Phir Bhi
Shab-E-Firaaq Se Aage Hai Aaj Meri Nazar
Ke Kat Hi Jaayegi Ye Shaam Be-Sahar Phir Bhi
Kahin Yehi To Nahin Kaashif-E-Hayaat O Mamaat
Ye Husn O Ishq Ba-Zaahir Hain Be-Khabar Phir Bhi
Palat Rahe Hain Ghareeb-Ul-Watan Palatna Tha
Woh Koocha Raukash-E-Jannat Ho Ghar Hai Ghar Phir Bhi
Luta Hua Chaman-E-Ishq Hai Nigaahon Ko
Dikha Gaya Wohi Kya Kya Gul O Samar Phir Bhi
Kharaab Ho Ke Bhi Socha Kiye Tere Mahjoor
Yehi Ke Teri Nazar Hai Teri Nazar Phir Bhi
Ho Be-Niyaaz Asar Bhi Kabhi Teri Mitti
Woh Keemiya Hi Sahi Reh Gayi Kasar Phir Bhi
Lipat Gaya Tera Deewaana Garche Manzil Se
Uri Uri Si Hai Ye Khaak-E-Rah Guzar Phir Bhi
Teri Nigaah Se Bachne Mein Umr Guzri Hai
Utar Gaya Rag-E-Jaan Mein Ye Neeshtar Phir Bhi
Gham-E-Firaaq Ke Kushton Ka Hashr Kya Hoga
Ye Shaam-E-Hijr To Ho Jaayegi Sahar Phir Bhi
Fana Bhi Ho Ke Giraan-Baari-E-Hayaat Na Pooch
Uthaaye Uth Nahin Sakta Ye Dard-E-Sar Phir Bhi
Sitam Ke Rang Hain Har Iltefaat Pinhaan Mein
Karam-Numa Hain Tere Jaur Sar-Ba-Sar Phir Bhi
Khata Mu’aaf Tera Afv Bhi Hai Misl-E-Saza
Teri Saza Mein Hai Ek Shaan-E-Dar-Guzar Phir Bhi
Agarche Be-Khudi-E-Ishq Ko Zamaana Hua
Firaaq Karti Rahi Kaam Woh Nazar Phir Bhi
کسی کا یوں تو ہوا کون عمر بھر پھر بھی
یہ حسن و عشق تو دھوکا ہے سب مگر پھر بھی
ہزار بار زمانہ ادھر سے گزرا ہے
نئی نئی سی ہے کچھ تیری رہ گزر پھر بھی
کہوں یہ کیسے ادھر دیکھ یا نہ دیکھ ادھر
کہ درد درد ہے پھر بھی نظر نظر پھر بھی
خوشا اشارۂ پیہم زہے سکوت نظر
دراز ہو کے فسانہ ہے مختصر پھر بھی
جھپک رہی ہیں زمان و مکاں کی بھی آنکھیں
مگر ہے قافلہ آمادۂ سفر پھر بھی
شب فراق سے آگے ہے آج میری نظر
کہ کٹ ہی جائے گی یہ شام بے سحر پھر بھی
کہیں یہی تو نہیں کاشف حیات و ممات
یہ حسن و عشق بظاہر ہیں بے خبر پھر بھی
پلٹ رہے ہیں غریب الوطن پلٹنا تھا
وہ کوچہ روکش جنت ہو گھر ہے گھر پھر بھی
لٹا ہوا چمن عشق ہے نگاہوں کو
دکھا گیا وہی کیا کیا گل و ثمر پھر بھی
خراب ہو کے بھی سوچا کیے ترے مہجور
یہی کہ تیری نظر ہے تری نظر پھر بھی
ہو بے نیاز اثر بھی کبھی تری مٹی
وہ کیمیا ہی سہی رہ گئی کسر پھر بھی
لپٹ گیا ترا دیوانہ گرچہ منزل سے
اڑی اڑی سی ہے یہ خاک رہ گزر پھر بھی
تری نگاہ سے بچنے میں عمر گزری ہے
اتر گیا رگ جاں میں یہ نیشتر پھر بھی
غم فراق کے کشتوں کا حشر کیا ہوگا
یہ شام ہجر تو ہو جائے گی سحر پھر بھی
فنا بھی ہو کے گراں باریٔ حیات نہ پوچھ
اٹھائے اٹھ نہیں سکتا یہ درد سر پھر بھی
ستم کے رنگ ہیں ہر التفات پنہاں میں
کرم نما ہیں ترے جور سر بسر پھر بھی
خطا معاف ترا عفو بھی ہے مثل سزا
تری سزا میں ہے اک شان در گزر پھر بھی
اگرچہ بے خودیٔ عشق کو زمانہ ہوا
فراقؔ کرتی رہی کام وہ نظر پھر بھی
Apni Har Saans Se Mujh Ko Teri Khushboo Aaye – Qateel Shifai
Dil Ko Sukoon Rooh Ko Aaraam Aa Gaya – Jigar Muradabadi
