Kitne Deep Bujhte Hain Kitne Deep Jalte Hain

Kitne Deep Bujhte Hain Kitne Deep Jalte Hain
Azm-e-Zindagi Le Kar Phir Bhi Log Chalte Hain

Karwaan Ke Chalne Se Karwaan Ke Rukne Tak
Manzilein Nahin Yaaro Raaste Badalte Hain

Mauj Mauj Toofan Hai Mauj Mauj Saahil Hai
Kitne Doob Jaate Hain Kitne Bach Nikalte Hain

Mehr o Maah o Anjum Bhi Ab Aseer-e-Geti Hain
Fikr-e-Nau Ki Azmat Se Roz o Shab Badalte Hain

Bahr o Bar Ke Seene Bhi Zeest Ke Safeene Bhi
Teergi Nigalte Hain Roshni Ugalte Hain

Aik Bahaar Aati Hai Aik Bahaar Jaati Hai
Ghunche Muskurate Hain Phool Haath Malte Hain

– Sahba Lakhnavi

کتنے دیپ بجھتے ہیں کتنے دیپ جلتے ہیں
عزم زندگی لے کر پھر بھی لوگ چلتے ہیں

کارواں کے چلنے سے کارواں کے رکنے تک
منزلیں نہیں یارو راستے بدلتے ہیں

موج موج طوفاں ہے موج موج ساحل ہے
کتنے ڈوب جاتے ہیں کتنے بچ نکلتے ہیں

مہر‌‌ و ماہ و انجم بھی اب اسیر گیتی ہیں
فکر نو کی عظمت سے روز و شب بدلتے ہیں

بحر و بر کے سینے بھی زیست کے سفینے بھی
تیرگی نگلتے ہیں روشنی اگلتے ہیں

اک بہار آتی ہے اک بہار جاتی ہے
غنچے مسکراتے ہیں پھول ہاتھ ملتے ہیں

کتنے دیپ بجھتے ہیں کتنے دیپ جلتے ہیں - صہبا لکھنوی