Kya Bhala Mujh Ko Parkhnay Ka Nateeja Nikla

Kya Bhala Mujh Ko Parkhnay Ka Nateeja Nikla
Zakhm-e-Dil Aap Ki Nazron Se Bhi Gehra Nikla

Tashnagi Jam Gayi Pathar Ki Tarah Honton Par
Doob Kar Bhi Main Tere Darya Se Pyasa Nikla

Jab Kabhi Tujh Ko Pukara Meri Tanhai Ne
Boo Uri Phool Se, Tasveer Se Saya Nikla

Koi Milta Hai To Ab Apna Pata Poochta Hoon
Main Teri Khoj Mein Tujh Se Bhi Paray Ja Nikla

Toor Kar Dekh Liya Aaina-e-Dil To Ne
Teri Soorat Ke Siwa Aur Bata Kya Nikla?

Nazar Aya Tha Sar-e-Baam Muzaffar Koi
Pohncha Deewar Ke Nazdeek To Saya Nikla

کیا بھلا مجھ کو پرکھنے کا نتیجہ نکلا
زخمِ دل آپ کی نظروں سے بھی گہرا نکلا

تشنگی جم گئی پتھر کی طرح ہونٹوں پر
ڈوب کر بھی میں تیرے دریا سے پیاسا نکلا

جب کبھی تجھ کو پکارا میری تنہائی نے
بُو اڑی پھول سے، تصویر سے سایا نکلا

کوئی ملتا ہے تو اب اپنا پتہ پوچھتا ہوں
میں تری کھوج میں تجھ سے بھی پرے جا نکلا

توڑ کر دیکھ لیا آئینہِ دل تو نے
تیری صورت کے سوا اور بتا کیا نکلا ؟

نظر آیا تھا سرِ بام مظفر کوئی
پہنچا دیوار کے نزدیک تو سایا نکلا

مظفر وارثی

Kya Bhala Mujh Ko Parkhnay Ka Nateeja Nikla – Muzaffar Warsi