Kya Zamana Tha Keh Hum Roz Mila Karte The (Nasir Kazmi)

Kya Zamana Tha Keh Hum Roz Mila Karte The

Kya Zamana Tha Keh Hum Roz Mila Karte The
Raat-Bhar Chand Ke Hamrah Phira Karte The

Jahan Tanhaiyan Sar PhoD Ke So Jati Hain
In Makanon Mein Ajab Log Raha Karte The

Kar Diya Aaj Zamane Ne Unhen Bhi Majbur
Kabhi Ye Log Mere Dukh Ki Dawa Karte The

Dekh Kar Jo Hamein Chup-Chap Guzar Jata Hai
Kabhi Us ShaKHs Ko Hum Pyar Kiya Karte The

Ittifaqat-E-Zamana Bhi Ajab Hain Nasir
Aaj Wo Dekh Rahe Hain Jo Suna Karte The

کیا زمانہ تھا کہ ہم روز ملا کرتے تھے
رات بھر چاند کے ہم راہ پھرا کرتے تھے

جہاں تنہائیاں سر پھوڑ کے سو جاتی ہیں
ان مکانوں میں عجب لوگ رہا کرتے تھے

کر دیا آج زمانے نے انہیں بھی مجبور
کبھی یہ لوگ مرے دکھ کی دوا کرتے تھے

دیکھ کر جو ہمیں چپ چاپ گزر جاتا ہے
کبھی اس شخص کو ہم پیار کیا کرتے تھے

اتفاقات زمانہ بھی عجب ہیں ناصر
آج وہ دیکھ رہے ہیں جو سنا کرتے تھے