Lazim Tha Ke Dekho Mera Rasta Koi Din Aur
Tanha Gaye Kyun? Ab Raho Tanha Koi Din Aur
Mit Jaayega Sar, Gar Tera Pathar Na Ghise Ga
Hoon Dar Pe Tere Naasiya Farsa Koi Din Aur
Aaye Ho Kal Aur Aaj Hi Kehte Ho Ke “Jao”?
Maana Ke Hamesha Nahi Achha Koi Din Aur
Jaate Hue Kehte Ho “Qayamat Ko Milenge”
Kya Khoob! Qayamat Ka Hai Goya Koi Din Aur
Haan Aye Falak-e-Peer! Jawaan Tha Abhi Arif
Kya Tera Bigadta Jo Na Marta Koi Din Aur
Tum Maah-e-Shab-e-Chaarda Hum The Mere Ghar Ke
Phir Kyun Na Raha Ghar Ka Woh Naqsha Koi Din Aur
Tum Kaun Se Aise The Khare Daad-o-Setad Ke
Karta Malak-ul-Maut Taqaza Koi Din Aur
Mujh Se Tumhein Nafrat Sahi, Nair Se Ladaai
Bachon Ka Bhi Dekha Na Tamasha Koi Din Aur
Guzri Na Baharhal Yeh Muddat Khush-o-Naakhush
Karna Tha Jawaan Marg Guzara Koi Din Aur
Nadaan Ho Jo Kehte Ho Ke “Kyun Jeete Hain Ghalib”
Qismat Mein Hai Marne Ki Tamanna Koi Din Aur
— Mirza Ghalib
لازم تھا کہ دیکھو مرا رستہ کوئی دِن اور
تنہا گئے کیوں؟ اب رہو تنہا کوئی دن اور
مٹ جائےگا سَر ،گر، ترا پتھر نہ گھِسے گا
ہوں در پہ ترے ناصیہ فرسا کوئی دن اور
آئے ہو کل اور آج ہی کہتے ہو کہ ’جاؤں؟‘
مانا کہ ھمیشہ نہیں اچھا کوئی دن اور
جاتے ہوئے کہتے ہو ’قیامت کو ملیں گے‘
کیا خوب! قیامت کا ہے گویا کوئی دن اور
ہاں اے فلکِ پیر! جواں تھا ابھی عارف
کیا تیرا بگڑ تا جو نہ مرتا کوئی دن اور
تم ماہِ شبِ چار دہم تھے مرے گھر کے
پھر کیوں نہ رہا گھر کا وہ نقشا کوئی دن اور
تم کون سے ایسے تھے کھرے داد و ستد کے
کرتا ملکُ الموت تقاضا کوئی دن اور
مجھ سے تمہیں نفرت سہی، نیر سے لڑائی
بچوں کا بھی دیکھا نہ تماشا کوئی دن اور
گزری نہ بہرحال یہ مدت خوش و ناخوش
کرنا تھا جواں مرگ گزارا کوئی دن اور
ناداں ہو جو کہتے ہو کہ ’کیوں جیتے ہیں غالب‘
قسمت میں ہے مرنے کی تمنا کوئی دن اور
