Mareez Mohabbat Unhein Ka Fasana Sunata Raha Dam Nikalte Nikalte
Qamar Jalalvi Poetry
Mareez Mohabbat Unhein Ka Fasana Sunata Raha Dam Nikalte Nikalte
Magar Zikr Shaam Alam Ka Jab Aaya Charagh Sahar Bujh Gaya Jalte Jalte
Unhein Khat Mein Likha Tha Dil Muztarib Hai Jawab Un Ka Aaya Mohabbat Na Karte
Tumhein Dil Lagane Ko Kis Ne Kaha Tha Behal Jaye Ga Dil Behalte Behalte
Mujhe Apne Dil Ki To Parwa Nahin Hai Magar Dar Raha Hoon Ke Bachpan Ki Zid Hai
Kahin Paaye Nazuk Mein Moch Aa Na Jaye Dil Sakht Jan Ko Musalte Musalte
Bhala Koi Wada Khilafi Ki Had Hai Hisab Apne Dil Mein Laga Kar To Socho
Qiyamat Ka Din Aa Gaya Rafta Rafta Mulaqat Ka Din Badalte Badalte
Irada Tha Tark Mohabbat Ka Lekin Fareb Tabassum Mein Phir Aa Gaye Hum
Abhi Kha Ke Thokar Sambhalne Na Paaye Ke Phir Khayi Thokar Sambhalte Sambhalte
Bas Ab Sabr Kar Rahro Rah-e-Ulfat Ke Tere Muqaddar Mein Manzil Nahin Hai
Idhar Samne Sar Pe Shaam Aa Rahi Hai Idhar Thak Gaye Paon Bhi Chalte Chalte
Woh Mehman Mere Hue Bhi To Kab Tak Hui Shamma Gul Aur Na Doobay Sitare
Qamar Us Qadr Un Ko Jaldi Thi Ghar Ki Ke Ghar Chal Diye Chandni Dhalte Dhalte
مریض محبت انہیں کا فسانہ سناتا رہا دم نکلتے نکلتے
مگر ذکر شام الم کا جب آیا چراغ سحر بجھ گیا جلتے جلتے
انہیں خط میں لکھا تھا دل مضطرب ہے جواب ان کا آیا محبت نہ کرتے
تمہیں دل لگانے کو کس نے کہا تھا بہل جائے گا دل بہلتے بہلتے
مجھے اپنے دل کی تو پروا نہیں ہے مگر ڈر رہا ہوں کہ بچپن کی ضد ہے
کہیں پائے نازک میں موچ آ نہ جائے دل سخت جان کو مسلتے مسلتے
بھلا کوئی وعدہ خلافی کی حد ہے حساب اپنے دل میں لگا کر تو سوچو
قیامت کا دن آ گیا رفتہ رفتہ ملاقات کا دن بدلتے بدلتے
ارادہ تھا ترک محبت کا لیکن فریب تبسم میں پھر آ گئے ہم
ابھی کھا کے ٹھوکر سنبھلنے نہ پائے کہ پھر کھائی ٹھوکر سنبھلتے سنبھلتے
بس اب صبر کر رہرو راہ الفت کہ تیرے مقدر میں منزل نہیں ہے
ادھر سامنے سر پہ شام آ رہی ہے ادھر تھک گئے پاؤں بھی چلتے چلتے
وہ مہمان میرے ہوئے بھی تو کب تک ہوئی شمع گل اور نہ ڈوبے ستارے
قمرؔ اس قدر ان کو جلدی تھی گھر کی کہ گھر چل دئے چاندنی ڈھلتے ڈھلتے
Woh Dekhnay Mujhe Aana To Chahta Hoga – Habib Jalib
Urdu Poem: Khwabon Ke Beopari – Ahmad Faraz
Uzr Aanay Mein Bhi Hai Aur Bulate Bhi Nahin – Dagh Dehlvi
