Maut Hi Na Aa Jaye Kaash Aise Jeene Se
Shakeel Badayuni
Maut Hi Na Aa Jaye Kaash Aise Jeene Se
Aashiq Nabi ﷺ Ho Kar Door Hon Madine Se
Furqat-e-Muhammad ﷺ Mein Khoon Fishan Hain Yun Aankhein
Jaise Mai Chhalakti Ho Surkh Aabgeene Se
Zindagi Ke Toofan Mein Jabke Nakhuda Tum Ho
Kyun Na Hon Khuda Waale Mutma’in Safeene Se
Kaun Si Dua Hai Woh Jo Asar Nahin Rakhti
Haan Magar Ye Laazim Hai Maangiye Qareene Se
Ae Haseen-e-Batha Sun Hai Yahi Khushi Meri
Umar Bhar Laga Rakhun Tere Gham Ko Seene Se
Aankh Band Karte Hi Hum To Ae Shakeel Aksar
Chal Diye Madine Ko, Aa Gaye Madine Se
Shakeel Badayuni
موت ہی نہ آ جائے کاش ایسے جینے سے
عاشق نبی ﷺ ہو کر دور ہوں مدینے سے
فرقت محمد ﷺ میں خوں فشاں ہیں یوں آنکھیں
جیسے مے چھلکتی ہو سرخ آبگینے سے
زندگی کے طوفاں میں جبکہ نا خدا تم ہو
کیوں نہ ہوں خدا والے مطمئن سفینے سے
کون سی دعا ہے وہ جو اثر نہیں رکھتی
ہاں مگر یہ لازم ہے مانگیے قرینے سے
اے حسین بطحا سن ہے یہی خوشی میری
عمر بھر لگا رکھوں تیرے غم کو سینے سے
آنکھ بند کرتے ہی ہم تو اے شکیلؔ اکثر
چل دیے مدینے کو آ گئے مدینے سے
