Meri Rooh Mein Jo Utar Saken Woh Mohabbaten Mujhe Chahiyen

Meri Rooh Mein Jo Utar Saken Woh Mohabbaten Mujhe Chahiyen
Jo Sarab Hon Na Azaab Hon Woh Rafaqaten Mujhe Chahiyen

Unhein Saaton Ki Talash Hai Jo Calendaron Se Utar Gayi
Jo Samey Ke Saath Guzar Gayi Wohi Fursaten Mujhe Chahiyen

Kahin Mil Saken To Sameit Laa Mere Roz-o-Shab Ki Kahaniyan
Jo Ghubar-e-Waqt Mein Chhup Gayi Woh Hikayaten Mujhe Chahiyen

Jo Meri Shabon Ke Charagh The Jo Meri Umeed Ke Baagh The
Wohi Log Hain Meri Aarzu Wohi Sooraten Mujhe Chahiyen

Teri Qurbaten Nahin Chahiyen Meri Shayari Ke Mizaj Ko
Mujhe Faslon Se Dawaam De Teri Furqaten Mujhe Chahiyen

Mujhe Aur Kuch Nahin Chahiyen Yeh Duaein Hain Mere Saiban
Kari Dhoop Mein Kahin Mil Saken To Yehi Chhatten Mujhe Chahiyen

مری روح میں جو اتر سکیں وہ محبتیں مجھے چاہئیں
جو سراب ہوں نہ عذاب ہوں وہ رفاقتیں مجھے چاہئیں

انہیں ساعتوں کی تلاش ہے جو کیلنڈروں سے اتر گئیں
جو سمے کے ساتھ گزر گئیں وہی فرصتیں مجھے چاہئیں

کہیں مل سکیں تو سمیٹ لا مرے روز و شب کی کہانیاں
جو غبار وقت میں چھپ گئیں وہ حکایتیں مجھے چاہئیں

جو مری شبوں کے چراغ تھے جو مری امید کے باغ تھے
وہی لوگ ہیں مری آرزو وہی صورتیں مجھے چاہئیں

تری قربتیں نہیں چاہئیں مری شاعری کے مزاج کو
مجھے فاصلوں سے دوام دے تری فرقتیں مجھے چاہئیں

مجھے اور کچھ نہیں چاہئے یہ دعائیں ہیں مرے سائباں
کڑی دھوپ میں کہیں مل سکیں تو یہی چھتیں مجھے چاہئیں