Mujhe Maloom Hai Main Saari Duniya Ki Amanat Hoon
Poet: Jaan Nisar Akhtar
مجھے معلوم ہے میں ساری دنیا کی امانت ہوں
مگر وہ لمحہ جب میں صرف اپنا ہو سا جاتا ہوں
میں تم سے دور رہتا ہوں تو میرے ساتھ رہتی ہو
تمہارے پاس آتا ہوں تو تنہا ہو سا جاتا ہوں
میں چاہے سچ ہی بولوں ہر طرح سے اپنے بارے میں
مگر تم مسکراتی ہو تو جھوٹا ہو سا جاتا ہوں
ترے گل رنگ ہونٹوں سے دہکتی زندگی پی کر
میں پیاسا اور پیاسا اور پیاسا ہو سا جاتا ہوں
تجھے بانہوں میں بھر لینے کی خواہش یوں ابھرتی ہے
کہ میں اپنی نظر میں آپ رسوا ہو سا جاتا ہوں
Mujhe Maloom Hai Main Saari Duniya Ki Amanat Hoon – Roman Urdu
Mujhe Maloom Hai Main Saari Duniya Ki Amanat Hoon
Magar Woh Lamha Jab Main Sirf Apna Ho Sa Jaata Hoon
Main Tum Se Door Rehta Hoon To Mere Saath Rehti Ho
Tumhare Paas Aata Hoon To Tanha Ho Sa Jaata Hoon
Main Chahe Sach Hi Boloon Har Tarah Se Apne Baare Mein
Magar Tum Muskuraati Ho To Jhoota Ho Sa Jaata Hoon
Tere Gul Rang Honton Se Dahakti Zindagi Pee Kar
Main Pyasa Aur Pyasa Aur Pyasa Ho Sa Jaata Hoon
Tujhe Baahon Mein Bhar Lene Ki Khwahish Yun Ubharti Hai
Ke Main Apni Nazar Mein Aap Ruswa Ho Sa Jaata Hoon
