Museebatein Sar Barhena Hongi Aqidatein Be Libaas Hongi
Poet: Danish Naqvi
Museebatein Sar Barhena Hongi Aqidatein Be Libaas Hongi
Thake Huon Ko Kahan Pata Tha Ke Subhe’n Yun Bad Hawaas Hongi
Tu Dekh Lena Humare Bachon Ke Baal Jaldi Safed Honge
Humari Chhodi Hui Udaasi Se Saat Nasle’n Udaas Hongi
Kahin Mile’n Tum Ko Bhuri Rangat Ki Gehri Aankhen Mujhe Batana
Main Janta Hun Ke Aisi Aankhein Bohat Azeeyat Shanaas Hongi
Main Sardiyon Ki Thatharti Shaamon Ke Sard Lamhon Mein Sochta Hun
Woh Surkh Hathon Ki Garm Porein Na Jane Ab Kis Ko Raas Hongi
Ye Jis Ki Beti Ke Sar Ki Chaadar Kai Jaga Se Phati Hui Hai
Tum Us Ke Gaon Mein Ja Ke Dekho To Aadhi Fasle’n Kapas Hongi
Poetry in Urdu
مصیبتیں سر برہنہ ہوں گی عقیدتیں بے لباس ہوں گی
تھکے ہوؤں کو کہاں پتہ تھا کہ صبحیں یوں بد حواس ہوں گی
تو دیکھ لینا ہمارے بچوں کے بال جلدی سفید ہوں گے
ہماری چھوڑی ہوئی اداسی سے سات نسلیں اداس ہوں گی
کہیں ملیں تم کو بھوری رنگت کی گہری آنکھیں مجھے بتانا
میں جانتا ہوں کہ ایسی آنکھیں بہت اذیت شناس ہوں گی
میں سردیوں کی ٹھٹھرتی شاموں کے سرد لمحوں میں سوچتا ہوں
وہ سرخ ہاتھوں کی گرم پوریں نہ جانے اب کس کو راس ہوں گی
یہ جس کی بیٹی کے سر کی چادر کئی جگہ سے پھٹی ہوئی ہے
تم اس کے گاؤں میں جا کے دیکھو تو آدھی فصلیں کپاس ہوں گی
