Na Hum Rahe Na Wo Khwabon Ki Zindagi Hi Rahi – Jaun Elia Poetry

Na Hum Rahe Na Wo Khwabon Ki Zindagi Hi Rahi

Jaun Elia Poetry

Na Hum Rahe Na Wo Khwabon Ki Zindagi Hi Rahi
Guman Guman Si Mahak Khud Ko Dhundhti Hi Rahi

Ajab Tarah Rukh-E-Aindagi Ka Rang Uda
Dayar-E-Zat Mein Az-Khud Guzashtagi Hi Rahi

Harim-E-Shauq Ka Aalam Bataen Kya Tum Ko
Harim-E-Shauq Mein Bas Shauq Ki Kami Hi Rahi

Pas-E-Nigah-E-Taghaful Thi Ek Nigah Ki Thi
Jo Dil Ke Chehara-E-Hasrat Ki Tazgi Hi Rahi

Ajib Aaina-E-Partaw-E-Tamanna Tha
Thi Us Mein Ek Udasi Ki Jo Saji Hi Rahi

Badal Gaya Sabhi Kuchh Us Dayar-E-Budash Mein
Gali Thi Jo Teri Jaan Wo Teri Gali Hi Rahi

Tamam Dil Ke Mohalle Ujad Chuke The Magar
Bahut Dinon To Hansi Hi Rahi Khushi Hi Rahi

Wo Dastan Tumhein Ab Bhi Yaad Hai Ki Nahin
Jo Khun Thukne Walon Ki Be-Hisi Hi Rahi

Sunaun Main Kise Afsana-E-Khyal-E-Malal
Teri Kami Hi Rahi Aur Meri Kami Hi Rahi

نہ ہم رہے نہ وہ خوابوں کی زندگی ہی رہی
گماں گماں سی مہک خود کو ڈھونڈھتی ہی رہی

عجب طرح رخ آئندگی کا رنگ اڑا
دیار ذات میں از خود گذشتگی ہی رہی

حریم شوق کا عالم بتائیں کیا تم کو
حریم شوق میں بس شوق کی کمی ہی رہی

پس نگاہ تغافل تھی اک نگاہ کہ تھی
جو دل کے چہرۂ حسرت کی تازگی ہی رہی

عجیب آئینۂ پرتو تمنا تھا
تھی اس میں ایک اداسی کہ جو سجی ہی رہی

بدل گیا سبھی کچھ اس دیار بودش میں
گلی تھی جو تری جاں وہ تری گلی ہی رہی

تمام دل کے محلے اجڑ چکے تھے مگر
بہت دنوں تو ہنسی ہی رہی خوشی ہی رہی

وہ داستان تمہیں اب بھی یاد ہے کہ نہیں
جو خون تھوکنے والوں کی بے حسی ہی رہی

سناؤں میں کسے افسانۂ خیال ملال
تری کمی ہی رہی اور مری کمی ہی رہی