Narawa Kahiye Nasaza Kahiye
Kahiye, Kahiye Mujhe Bura Kahiye
Tujh Ko Bad Ahad O Bewafa Kahiye
Aise Jhoote Ko Aur Kya Kahiye
Phir Na Rukiye Jo Maddaa Kahiye
Ek Ke Baad Doosra Kahiye
Aap Ab Mera Munh Na Kholwaayein
Ye Na Kahiye Ke Maddaa Kahiye
Woh Mujhe Qatl Kar Ke Kehte Hain
Maanta Hi Na Tha Ye Kya Kahiye
Dil Mein Rakhne Ki Baat Hai Gham-e-Ishq
Is Ko Hargiz Na Bar Mila Kahiye
Tujh Ko Achha Kaha Hai Kis Kis Ne
Kehne Walon Ko Aur Kya Kahiye
Woh Bhi Sun Lenge Ye Kabhi Na Kabhi
Haal-e-Dil Sab Se Ja Baja Kahiye
Mujh Ko Kahiye Bura Na Ghair Ke Saath
Jo Ho Kehna Juda Juda Kahiye
Intiha Ishq Ki Khuda Jaane
Dam-e-Aakhir Ko Ibtida Kahiye
Mere Matlab Se Kya Gharaz Matlab
Aap Apna To Maddaa Kahiye
Sabr Firaqat Mein Aa Hi Jaata Hai
Par Usay Dair Aashna Kahiye
Aagayi Aap Ko Masihaai
Marne Walon Ko Marhaba Kahiye
Aap Ka Khair Khwah Mere Siwa
Hai Koi Aur Doosra Kahiye
Haath Rakh Kar Woh Apne Kaanon Par
Mujh Se Kehte Hain Maajra Kahiye
Hosh Jaate Rahe Raqeebon Ke
Daagh Ko Aur Ba Wafa Kahiye
ناروا کہیے ناسزا کہیے
کہیے کہیے مجھے برا کہیے
تجھ کو بد عہد و بے وفا کہیے
ایسے جھوٹے کو اور کیا کہیے
پھر نہ رکیے جو مدّعا کہیے
ایک کے بعد دوسرا کہیے
آپ اب میرا منہہ نہ کھلوائیں
یہ نہ کہیے کہ مدّعا کہیے
وہ مجھے قتل کر کے کہتے ہیں
مانتا ہی نہ تھا یہ کیا کہیے
دل میں رکھنے کی بات ہے غمِ عشق
اس کو ہرگز نہ برملا کہیے
تجھ کو اچھا کہا ہے کس کس نے
کہنے والوں کو اور کیا کہیے
وہ بھی سن لیں گے یہ کبھی نہ کبھی
حالِ دل سب سے جابجا کہیے
مجھ کو کہیے برا نہ غیر کے ساتھ
جو ہو کہنا جدا جدا کہیے
انتہا عشق کی خدا جانے
دمِ آخر کو ابتدا کہیے
میرے مطلب سے کیا غرض مطلب
آپ اپنا تو مدّعا کہیے
صبر فرقت میں آ ہی جاتا ہے
پر اسے دیر آشنا کہیے
آگئی آپ کو مسیحائی
مرنے والوں کو مرحبا کہیے
آپ کا خیر خواہ میرے سوا
ہے کوئی اور دوسرا کہیے
ہاتھ رکھ کر وہ اپنے کانوں پر
مجھ سے کہتے ہیں ماجرا کہیے
ہوش جاتے رہے رقیبوں کے
داغ کو اور باوفا کہیے
از داغ دہلوی
