Qurbat Bhi Nahi Dil Se Utar Bhi Nahi Jaata — Ahmed Faraz

Qurbat Bhi Nahi Dil Se Utar Bhi Nahi Jaata
Ahmed Faraz

Qurbat Bhi Nahi Dil Se Utar Bhi Nahi Jaata
Woh Shakhs Koi Faisla Kar Bhi Nahi Jaata

Aankhein Hain Ke Khaali Nahi Rehti Hain Lahoo Se
Aur Zakhm Judaai Hai Ke Bhar Bhi Nahi Jaata

Woh Raaḥat E Jaan Hai Magar Is Dar Badari Mein
Aisa Hai Ke Ab Dhyaan Idhar Bhi Nahi Jaata

Hum Dohri Azeeat Ke Giriftar Musafir
Paaon Bhi Hain Shal Shauq E Safar Bhi Nahi Jaata

Dil Ko Teri Chahat Pe Bharosa Bhi Bohat Hai
Aur Tujh Se Bichhar Jaane Ka Dar Bhi Nahi Jaata

Paagal Huye Jaate Ho Faraz Us Se Mile Kya
Itni Si Khushi Se Koi Mar Bhi Nahi Jaata

— Ahmed Faraz

قربت بھی نہیں دل سے اتر بھی نہیں جاتا
وہ شخص کوئی فیصلہ کر بھی نہیں جاتا

آنکھیں ہیں کہ خالی نہیں رہتی ہیں لہو سے
اور زخم جدائی ہے کہ بھر بھی نہیں جاتا

وہ راحت جاں ہے مگر اس در بدری میں
ایسا ہے کہ اب دھیان ادھر بھی نہیں جاتا

ہم دوہری اذیت کے گرفتار مسافر
پاؤں بھی ہیں شل شوق سفر بھی نہیں جاتا

دل کو تری چاہت پہ بھروسہ بھی بہت ہے
اور تجھ سے بچھڑ جانے کا ڈر بھی نہیں جاتا

پاگل ہوئے جاتے ہو فرازؔ اس سے ملے کیا
اتنی سی خوشی سے کوئی مر بھی نہیں جاتا

قربت بھی نہیں دل سے اتر بھی نہیں جاتا - احمد فراز