Qurbatein Hotay Huay Bhi Faslon Mein Qaid Hain
Saleem Kausar Ghazal
Qurbatein Hotay Huay Bhi Faslon Mein Qaid Hain
Kitni Aazaadi Se Hum Apni Hudon Mein Qaid Hain
Kaun Si Aankhon Mein Mere Khwab Roshan Hain Abhi
Kis Ki Neendain Hain Jo Mere Rutjugon Mein Qaid Hain
Sheher Abaadi Se Khaali Ho Gaye, Khushboo Se Phool
Aur Kitni Khwahishain Hain Jo Dilon Mein Qaid Hain
Paon Mein Rishton Ki Zanjeerein Hain, Dil Mein Khauf Ki
Aisa Lagta Hai Ke Hum Apne Gharon Mein Qaid Hain
Yeh Zameen Yun Hi Sikarti Jaayegi Aur Ek Din
Phail Jaayenge Jo Toofan Sahilon Mein Qaid Hain
Is Jazeere Par Azal Se Khaak Udti Hai Hawa
Manzilon Ke Bheed Phir Bhi Raaston Mein Qaid Hain
Kaun Yeh Paataal Se Ubhra Kinaare Par Saleem
Sar Phiri Maujein Abhi Tak Dairon Mein Qaid Hain
قربتیں ہوتے ہوئے بھی فاصلوں میں قید ہیں
کتنی آزادی سے ہم اپنی حدوں میں قید ہیں
کون سی آنکھوں میں میرے خواب روشن ہیں ابھی
کس کی نیندیں ہیں جو میرے رتجگوں میں قید ہیں
شہر آبادی سے خالی ہو گئے خوشبو سے پھول
اور کتنی خواہشیں ہیں جو دلوں میں قید ہیں
پاؤں میں رشتوں کی زنجیریں ہیں دل میں خوف کی
ایسا لگتا ہے کہ ہم اپنے گھروں میں قید ہیں
یہ زمیں یوں ہی سکڑتی جائے گی اور ایک دن
پھیل جائیں گے جو طوفاں ساحلوں میں قید ہیں
اس جزیرے پر ازل سے خاک اڑتی ہے ہوا
منزلوں کے بھید پھر بھی راستوں میں قید ہیں
کون یہ پاتال سے ابھرا کنارے پر سلیمؔ
سر پھری موجیں ابھی تک دائروں میں قید ہیں
