Raahon Pe Nazar Rakhna Honton Pe Dua Rakhna

Raahon Pe Nazar Rakhna Honton Pe Dua Rakhna
Aa Jaye Koi Shayad Darwaza Khula Rakhna

راہوں پہ نظر رکھنا ہونٹوں پہ دعا رکھنا
آ جائے کوئی شاید دروازہ کھلا رکھنا

Ehsaas Ki Shama Ko Is Tarah Jala Rakhna
Apni Bhi Khabar Rakhna Uska Bhi Pata Rakhna

احساس کی شمع کو اس طرح جلا رکھنا
اپنی بھی خبر رکھنا اس کا بھی پتہ رکھنا

Raaton Ko Bhatakne Ki Deta Hai Saza Mujhko
Dushwar Hai Pehlu Mein Dil Tere Bina Rakhna

راتوں کو بھٹکنے کی دیتا ہے سزا مجھ کو
دشوار ہے پہلو میں دل تیرے بِنا رکھنا

Logon Ki Nigaahon Ko Parh Lene Ki Aadat Hai
Halaat Ki Tehreerein Chehre Se Bacha Rakhna

لوگوں کی نگاہوں کو پڑھ لینے کی عادت ہے
حالات کی تحریریں چہرے سے بچا رکھنا

Bhooloon Mein Agar Ae Dil! To Yaad Dila Dena
Tanhai Ke Lamhon Ka Har Zakhm Hara Rakhna

بھولوں میں اگر اے دل ! تو یاد دلا دینا
تنہائی کے لمحوں کا ہر زخم ہرا رکھنا

Ek Boond Bhi Ashkon Ki Daman Na Bhigo Paye
Gham Uski Amanat Hai Palkon Pe Saja Rakhna

اک بوند بھی اشکوں کی دامن نہ بھگو پائے
غم اس کی امانت ہے پلکوں پہ سجا رکھنا

Is Tarah Qateel Us Se Bartao Rahe Apna
Woh Bhi Na Bura Mane Dil Ka Bhi Kaha Rakhna

اس طرح قتیلؔ اس سے برتاؤ رہے اپنا
وہ بھی نہ برا مانے دل کا بھی کہا رکھنا

Raahon Pe Nazar Rakhna Honton Pe Dua Rakhna – Qateel Shifai