Raat Ki Dharkan Jab Tak Jari Rehti Hai

raat ki dharkan jab tak jari rehti hai
sote nahin hum zimmedari rehti hai

jab se tu ne halki halki baaten kin
yar tabiat bhaari bhaari rehti

paon kamar tak dhans jate hain dharti mein
hath pisare jab khuddari rehti hai

wo manzil par aksar der se pahunche hain
jin logon ke pas sawari rehti hai

chat se us ki dhup ke neze aate hain
jab aangan mein chhanw hamari rehti hai

ghar ke bahar dhundhta rahta hun duniya
ghar ke andar duniya-dari rehti hai

رات کی دھڑکن جب تک جاری رہتی ہے
سوتے نہیں ہم ذمہ داری رہتی ہے

جب سے تو نے ہلکی ہلکی باتیں کی
یار طبیعت بھاری بھاری رہتی ہے

پاؤں کمر تک دھنس جاتے ہیں دھرتی میں
ہاتھ پسارے جب خودداری رہتی ہے

وہ منزل پر اکثر دیر سے پہنچے ہیں
جن لوگوں کے پاس سواری رہتی ہے

چھت سے اس کی دھوپ کے نیزے آتے ہیں
جب آنگن میں چھاؤں ہماری رہتی ہے

گھر کے باہر ڈھونڈھتا رہتا ہوں دنیا
گھر کے اندر دنیا داری رہتی ہے