Sach Hai Humein Ko Aap Ke Shikwe Baja Na The
Faiz Ahmad Faiz Poetry
Sach Hai Humein Ko Aap Ke Shikwe Baja Na The
Beshak Sitam Janaab Ke Sab Dostana The
Haan, Jo Jafaa Bhi Aap Ne Ki Qaaide Se Ki!
Haan, Hum Hi Kaarband-e-Usool-e-Wafa Na The
Aaye To Yun Ke Jaise Hamesha The Mehrbaan
Bhoole To Yun Ke Goya Kabhi Aashnaa Na The
Kyun Daad-e-Gham Humein Ne Talab Ki, Bura Kya
Hum Se Jahaan Mein Kasht-e-Gham Aur Kya Na The
Gar Fikr-e-Zakhm Ki To Khatawaar Hain Ke Hum
Kyun Mahv-e-Mad’h Khoobi-e-Tegh-e-Adaa Na The
Har Chaaragar Ko Chaaragari Se Gurez Tha
Warna Humein Jo Dukh The, Bohat La-Dawaa Na The
Lab Par Hai Talkhi-e-Mai-e-Ayyaam, Warna Faiz
Hum Talkhi-e-Kalaam Pe Mael Zara Na The
— Faiz Ahmad Faiz
سچ ہے ہمیں کو آپ کے شکوے بجا نہ تھے
بے شک ستم جناب کے سب دوستانہ تھے
ہاں، جو جفا بھی آپ نے کی قاعدے سے کی!
ہاں، ہم ہی کاربندِ اُصولِ وفا نہ تھے
آئے تو یوں کہ جیسے ہمیشہ تھے مہرباں
بُھولے تو یوں کہ گویا کبھی آشنا نہ تھے
کیوں دادِ غم ہمیں نے طلب کی، بُرا کیا
ہم سے جہاں میں کشتۂ غم اور کیا نہ تھے
گر فکرِ زخم کی تو خطاوار ہیں کہ ہم
کیوں محوِ مدح خوبیِ تیغِ ادا نہ تھے
ہر چارہ گر کو چارہ گری سے گریز تھا
ورنہ ہمیں جو دکھ تھے ، بہت لادوا نہ تھے
لب پر ہے تلخیِ مئے ایّام، ورنہ فیض
ہم تلخیِ کلام پہ مائل ذرا نہ تھے
فیض احمد فیض
