Samandar Mein Utarta Hoon To Aankhein Bheeg Jaati Hain
Wasi Shah Poetry
Samandar Mein Utarta Hoon To Aankhein Bheeg Jaati Hain
Teri Aankhon Ko Padhta Hoon To Aankhein Bheeg Jaati Hain
Tumhara Naam Likhnay Ki Ijazat Chhin Gayi Jab Se
Koi Bhi Lafz Likhta Hoon To Aankhein Bheeg Jaati Hain
Teri Yaadon Ki Khushboo Khidkiyon Mein Raqs Karti Hai
Tere Gham Mein Sulagta Hoon To Aankhein Bheeg Jaati Hain
Na Jaane Ho Gaya Hoon Is Qadar Hassas Mein Kab Se
Kisi Se Baat Karta Hoon To Aankhein Bheeg Jaati Hain
Main Saara Din Bohat Masroof Rehta Hoon Magar Jon Hi
Qadam Chaukhat Pe Rakhta Hoon To Aankhein Bheeg Jaati Hain
Har Ik Muflis Ke Maathay Par Alam Ki Dastaanen Hain
Koi Chehra Bhi Padhta Hoon To Aankhein Bheeg Jaati Hain
Baday Logon Ke Oonchay Badnuma Aur Sard Mahaloon Ko
Ghareeb Aankhon Se Takta Hoon To Aankhein Bheeg Jaati Hain
Tere Kooche Se Ab Mera Taluq Wajibi Sa Hai
Magar Jab Bhi Guzarta Hoon To Aankhein Bheeg Jaati Hain
Hazaron Mausamon Ki Hukmarani Hai Mere Dil Par
Wasi Main Jab Bhi Hansa Hoon To Aankhein Bheeg Jaati Hain
سمندر میں اترتا ہوں تو آنکھیں بھیگ جاتی ہیں
تری آنکھوں کو پڑھتا ہوں تو آنکھیں بھیگ جاتی ہیں
تمہارا نام لکھنے کی اجازت چھن گئی جب سے
کوئی بھی لفظ لکھتا ہوں تو آنکھیں بھیگ جاتی ہیں
تری یادوں کی خوشبو کھڑکیوں میں رقص کرتی ہے
ترے غم میں سلگتا ہوں تو آنکھیں بھیگ جاتی ہیں
نہ جانے ہو گیا ہوں اس قدر حساس میں کب سے
کسی سے بات کرتا ہوں تو آنکھیں بھیگ جاتی ہیں
میں سارا دن بہت مصروف رہتا ہوں مگر جوں ہی
قدم چوکھٹ پہ رکھتا ہوں تو آنکھیں بھیگ جاتی ہیں
ہر اک مفلس کے ماتھے پر الم کی داستانیں ہیں
کوئی چہرہ بھی پڑھتا ہوں تو آنکھیں بھیگ جاتی ہیں
بڑے لوگوں کے اونچے بد نما اور سرد محلوں کو
غریب آنکھوں سے تکتا ہوں تو آنکھیں بھیگ جاتی ہیں
ترے کوچے سے اب میرا تعلق واجبی سا ہے
مگر جب بھی گزرتا ہوں تو آنکھیں بھیگ جاتی ہیں
ہزاروں موسموں کی حکمرانی ہے مرے دل پر
وصیؔ میں جب بھی ہنستا ہوں تو آنکھیں بھیگ جاتی ہیں
Hum To Gum Ho Gaye Halaat Ke Sanaate Mein – Urdu Shayari
2 Line Chand Poetry in Urdu Text – Moon Poetry in Urdu
Teri Baatein Hi Sunane Aaye – Ahmad Faraz Poetry
