Sarfroshi Ki Tamanna Ab Hamaare Dil Mein Hai
Sarfroshi Ki Tamanna Ab Hamaare Dil Mein Hai,
Dekhna Hai Zor Kitna Baazu-e-Qaatil Mein Hai.
Ae Shaheed-e-Mulk-o-Millat! Main Tere Oopar Nisaar,
Le Teri Himmat Ka Charcha Ghair Ki Mehfil Mein Hai.
Waaye Qismat! Paon Ki Ae Za’af Kuch Chalti Nahin,
Karwaan Apna Abhi Tak Pehli Hi Manzil Mein Hai.
Rehro-e-Raah-e-Mohabbat! Reh Na Jaana Raah Mein,
Lazzat-e-Sehra-Nawardi Door-e-Manzil Mein Hai.
Shauq Se Raah-e-Mohabbat Ki Museebat Jheel Le,
Ek Khushi Ka Raaz Pinhan Jaada-e-Manzil Mein Hai.
Aaj Phir Maqtal Mein Qaatil Keh Raha Hai Baar Baar,
Aayein Woh Shauq-e-Shahadat Jin Ke Jin Ke Dil Mein Hai.
Marnay Walo Aao Ab Gardan Katao Shauq Se,
Yeh Ghanimat Waqt Hai, Khanjar Kaf-e-Qaatil Mein Hai.
Maani’-e-Izhaar Tum Ko Hai Haya, Hum Ko Adab,
Kuch Tumhaare Dil Ke Andar, Kuch Hamaare Dil Mein Hai.
Mai-Kada Sunsaan, Khum Ultay Paray Hain, Jaam Choor,
Sar-Nigoon Baitha Hai Saqi Jo Teri Mehfil Mein Hai.
Waqt Aane De Dikhayein Ge Tujhe Ae Aasmaan,
Hum Abhi Se Kyun Bataayen Kya Hamaare Dil Mein Hai.
Ab Na Agle Walwale Hain Aur Na Woh Armaan Ki Bheerd,
Sirf Mit Jaane Ki Ek Hasrat Dil-e-Bismil Mein Hai.
سرفروشی کی تمنا اب ہمارے دل میں ہے
دیکھنا ہے زور کتنا بازوئے قاتل میں ہے
اے شہید ملک و ملت میں ترے اوپر نثار
لے تری ہمت کا چرچا غیر کی محفل میں ہے
وائے قسمت پاؤں کی اے ضعف کچھ چلتی نہیں
کارواں اپنا ابھی تک پہلی ہی منزل میں ہے
رہرو راہ محبت رہ نہ جانا راہ میں
لذت صحرا نوردی دورئ منزل میں ہے
شوق سے راہ محبت کی مصیبت جھیل لے
اک خوشی کا راز پنہاں جادۂ منزل میں ہے
آج پھر مقتل میں قاتل کہہ رہا ہے بار بار
آئیں وہ شوق شہادت جن کے جن کے دل میں ہے
مرنے والو آؤ اب گردن کٹاؤ شوق سے
یہ غنیمت وقت ہے خنجر کف قاتل میں ہے
مانع اظہار تم کو ہے حیا، ہم کو ادب
کچھ تمہارے دل کے اندر کچھ ہمارے دل میں ہے
مے کدہ سنسان خم الٹے پڑے ہیں جام چور
سرنگوں بیٹھا ہے ساقی جو تری محفل میں ہے
وقت آنے دے دکھا دیں گے تجھے اے آسماں
ہم ابھی سے کیوں بتائیں کیا ہمارے دل میں ہے
اب نہ اگلے ولولے ہیں اور نہ وہ ارماں کی بھیڑ
صرف مٹ جانے کی اک حسرت دل بسملؔ میں ہے
