Sina Dahak Raha Ho To Kya Chup Rahe Koi - Jaun Elia Poetry

Sina Dahak Raha Ho To Kya Chup Rahe Koi
Kyun Chikh Chikh Kar Na Gala Chhil Le Koi

Sabit Hua Sukun-E-Dil-O-Jaan Kahin Nahin
Rishton Mein Dhundta Hai To Dhunda Kare Koi

Tark-E-Talluqat Koi Masala Nahin
Ye To Wo Rasta Hai Ki Bas Chal Pade Koi

Diwar Jaanta Tha Jise Main Wo Dhul Thi
Ab Mujh Ko E’timad Ki Dawat Na De Koi

Main Khud Ye Chahta Hun Ki Haalat Hon Kharab
Mere Khilaf Zahr Ugalta Phire Koi

Ai Shakhs Ab To Mujh Ko Sabhi Kuchh Qubul Hai
Ye Bhi Qubul Hai Ki Tujhe Chhin Le Koi

Han Thik Hai Main Apni Ana Ka Mariz Hun
Aakhir Mere Mizaj Mein Kyun Dakhil De Koi

Ek Shakhs Kar Raha Hai Abhi Tak Wafa Ka Zikr
Kash Us Zaban-Daraaz Ka Munh Noch Le Koi

سینہ دہک رہا ہو تو کیا چپ رہے کوئی
کیوں چیخ چیخ کر نہ گلا چھیل لے کوئی

ثابت ہوا سکون دل و جاں کہیں نہیں
رشتوں میں ڈھونڈھتا ہے تو ڈھونڈا کرے کوئی

ترک تعلقات کوئی مسئلہ نہیں
یہ تو وہ راستہ ہے کہ بس چل پڑے کوئی

دیوار جانتا تھا جسے میں وہ دھول تھی
اب مجھ کو اعتماد کی دعوت نہ دے کوئی

میں خود یہ چاہتا ہوں کہ حالات ہوں خراب
میرے خلاف زہر اگلتا پھرے کوئی

اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی

ہاں ٹھیک ہے میں اپنی انا کا مریض ہوں
آخر مرے مزاج میں کیوں دخل دے کوئی

اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی

Sina Dahak Raha Ho To Kya Chup Rahe Koi – Jaun Elia Poetry