Tere Hote Hue Mehfil Mein Jalaate Hain Chiraagh

Tere Hote Hue Mehfil Mein Jalaate Hain Chiraagh
Log Kya Saada Hain Sooraj Ko Dikhaate Hain Chiraagh

Apni Mehrumi Ke Ehsaas Se Sharminda Hain
Khud Nahin Rakhte To Auron Ke Bujhaate Hain Chiraagh

Bastiyan Door Hui Jaati Hain Rafta Rafta
Dam Ba Dam Aankhon Se Chhupte Chale Jaate Hain Chiraagh

Kya Khabar Un Ko Ke Daaman Bhi Bhadak Uthte Hain
Jo Zamaane Ki Hawaon Se Bachaate Hain Chiraagh

Go Siyaah Bakht Hain Hum Log Pe Roshan Hai Zameer
Khud Andhere Mein Hain Duniya Ko Dikhaate Hain Chiraagh

Bastiyan Chaand Sitaaron Ki Basaane Waalon
Kura-E-Arz Pe Bujhte Chale Jaate Hain Chiraagh

Aise Be Dard Hue Hum Bhi Ke Ab Gulshan Par
Barq Girti Hai To Zindaan Mein Jalaate Hain Chiraagh

Aisi Taareekiyan Aankhon Mein Basi Hain Ke Firaaz
Raat To Raat Hai Hum Din Ko Jalaate Hain Chiraagh

Tere Hote Hue Mehfil Mein Jalaate Hain Chiraagh
Ahmad Faraz Poetry in Urdu

تیرے ہوتے ہوئے محفل میں جلاتے ہیں چراغ
لوگ کیا سادہ ہیں سورج کو دکھاتے ہیں چراغ

اپنی محرومی کے احساس سے شرمندہ ہیں
خود نہیں رکھتے تو اوروں کے بجھاتے ہیں چراغ

بستیاں دور ہوئی جاتی ہیں رفتہ رفتہ
دم بہ دم آنکھوں سے چھپتے چلے جاتے ہیں چراغ

کیا خبر ان کو کہ دامن بھی بھڑک اٹھتے ہیں
جو زمانے کی ہواؤں سے بچاتے ہیں چراغ

گو سیہ بخت ہیں ہم لوگ پہ روشن ہے ضمیر
خود اندھیرے میں ہیں دنیا کو دکھاتے ہیں چراغ

بستیاں چاند ستاروں کی بسانے والو
کرۂ ارض پہ بجھتے چلے جاتے ہیں چراغ

ایسے بے درد ہوئے ہم بھی کہ اب گلشن پر
برق گرتی ہے تو زنداں میں جلاتے ہیں چراغ

ایسی تاریکیاں آنکھوں میں بسی ہیں کہ فرازؔ
رات تو رات ہے ہم دن کو جلاتے ہیں چراغ

Tere Hote Hue Mehfil Mein Jalaate Hain Chiraagh – Faraz