Teri Baatein Hi Sunane Aaye

Teri Baatein Hi Sunane Aaye
Dost Bhi Dil Hi Dukhane Aaye

Phool Khilte Hain To Hum Sochte Hain
Tere Aane Ke Zamane Aaye

Aisi Kuchh Chup Si Lagi Hai Jaise
Hum Tujhe Haal Sunane Aaye

Ishq Tanha Hai Sar-E-Manzil-E-Gham
Kaun Ye Bojh Uthane Aaye

Ajnabi Dost Humein Dekh Ke Hum
Kuchh Tujhe Yaad Dilane Aaye

Dil Dhadakta Hai Safar Ke Hungam
Kaash Phir Koi Bulane Aaye

Ab To Rone Se Bhi Dil Dukhta Hai
Shayad Ab Hosh Thikane Aaye

Kya Kahein Phir Koi Basti Ujri
Log Kyun Jashn Manane Aaye

So Raho Maut Ke Pehlu Mein Faraz
Neend Kis Waqt Na Jaane Aaye

تیری باتیں ہی سنانے آئے
دوست بھی دل ہی دکھانے آئے

پھول کھلتے ہیں تو ہم سوچتے ہیں
تیرے آنے کے زمانے آئے

ایسی کچھ چپ سی لگی ہے جیسے
ہم تجھے حال سنانے آئے

عشق تنہا ہے سر منزل غم
کون یہ بوجھ اٹھانے آئے

اجنبی دوست ہمیں دیکھ کہ ہم
کچھ تجھے یاد دلانے آئے

دل دھڑکتا ہے سفر کے ہنگام
کاش پھر کوئی بلانے آئے

اب تو رونے سے بھی دل دکھتا ہے
شاید اب ہوش ٹھکانے آئے

کیا کہیں پھر کوئی بستی اجڑی
لوگ کیوں جشن منانے آئے

سو رہو موت کے پہلو میں فرازؔ
نیند کس وقت نہ جانے آئے

Teri Baatein Hi Sunane Aaye – Ahmad Faraz Poetry