Tujh Ko Paas-e-Wafa Zara Na Hua
Hasrat Mohani
Tujh ko paas-e-wafa zara na hua
Hum se phir bhi tera gila na hua
Aise bigre ke phir jafa bhi na ki
Dushmani ka bhi haq ada na hua
Kat gayi ihtiyaat-e-ishq mein umr
Hum se izhar-e-mudda‘a na hua
Mar maṭe hum to miṭ gaye sab ranj
Yeh bhi achha hua, bura na hua
Tum jafa-kar the karam na kiya
Main wafadar tha, khafa na hua
Hijr mein jaan-e-muztarib ko sukoon
Aap ki yaad ke siwa na hua
Reh gayi tere qasr-e-ishq ki sharam
Main jo muhtaaj-e-aghniya na hua
تجھ کو پاسِ وفا ذرا نہ ہوا
ہم سے پھر بھی ترا گلہ نہ ہوا
ایسے بگڑے کہ پھر جفا بھی نہ کی
دشمنی کا بھی حق ادا نہ ہوا
کٹ گئی احتیاطِ عشق میں عمر
ہم سے اظہار مدعا نہ ہوا
مر مٹے ہم تو مٹ گئے سب رنج
یہ بھی اچھا ہوا برا نہ ہوا
تم جفا کار تھے کرم نہ کیا
میں وفادار تھا خفا نہ ہوا
ہجر میں جان مضطرب کو سکوں
آپ کی یاد کے سوا نہ ہوا
رہ گئی تیرے قصرِ عشق کی شرم
میں جو محتاج اغنیا نہ ہوا
