Tum Mere Paas Raho

Tum Mere Paas Raho
Mere Qatil, Mere Dil Daar Mere Paas Raho

Jis Ghadi Raat Chale,
Aasmanon Ka Lahu Pi Ke Seeh Raat Chale

Marham Mashk Liye, Nashtar Almas Liye
Been Karti Hui Hansti Hui, Gaati Nikle

Dard Ke Kaasni Paazib Bajati Nikle
Jis Ghadi Seenon Mein Doobe Hue Dil

Aasteenon Mein Nahan Haathon Ki Rah Takne Lage
Aas Liye

Aur Bachon Ke Balkne Ki Tarah Qalqal Me
Behar Na Saudgi Machle To Manaaye Na Mane

Jab Koi Baat Banaaye Na Bane
Jab Na Koi Baat Chale

Jis Ghadi Raat Chale
Jis Ghadi Matami Sunsaan Seeh Raat Chale

Paas Raho
Mere Qatil, Mere Dil Daar Mere Paas Raho

تم مرے پاس رہو
مرے قاتل، مرے دل دار مرے پاس رہو

جس گھڑی رات چلے،
آسمانوں کا لہو پی کے سیہ رات چلے

مرہم مشک لیے، نشتر الماس لیے
بین کرتی ہوئی ہنستی ہوئی، گاتی نکلے

درد کے کاسنی پازیب بجاتی نکلے
جس گھڑی سینوں میں ڈوبے ہوئے دل

آستینوں میں نہاں ہاتھوں کی رہ تکنے لگے
آس لیے

اور بچوں کے بلکنے کی طرح قلقل مے
بہر نا سودگی مچلے تو منائے نہ منے

جب کوئی بات بنائے نہ بنے
جب نہ کوئی بات چلے

جس گھڑی رات چلے
جس گھڑی ماتمی سنسان سیہ رات چلے

پاس رہو
مرے قاتل، مرے دل دار مرے پاس رہو

Tum Mere Paas Raho – Faiz Ahmad Faiz Poetry