Un Ke Andaz-E-Karam Un Pe Wo Aana Dil Ka
Poet: Pir Naseer-ud-Din Naseer
Un Ke Andaz-E-Karam Un Pe Wo Aana Dil Ka
Haye Wo Waqt Wo Baaten Wo Zamana Dil Ka
Na Suna Us Ne Tawajjoh Se Fasana Dil Ka
Zindagi Guzri Magar Dard Na Jaana Dil Ka
Kuchh Nai Baat Nahin Husn Pe Aana Dil Ka
Mashghala Hai Ye Nihayat Hi Purana Dil Ka
Wo Mohabbat Ki Shuruat Wo Be-Thah Khushi
Dekh Kar Un Ko Wo Phule Na Samana Dil Ka
Dil Lagi Dil Ki Lagi Ban Ke Mita Deti Hai
Rog Dushman Ko Bhi Yarab Na Lagana Dil Ka
Ek To Mere Muqaddar Ko Bigada Us Ne
Aur Phir Us Pe Ghazab Hans Ke Banana Dil Ka
Mere Pahlu Mein Nahin Aap Ki Muthi Mein Nahin
Be-Thikane Hai Bahut Din Se Thikana Dil Ka
Wo Bhi Apne Na Hue Dil Bhi Gaya Hathon Se
Aise Aane Se To Behtar Tha Na Aana Dil Ka
Khub Hain Aap Bahut Khub Magar Yaad Rahe
Zeb Deta Nahin Aison Ko Satana Dil Ka
Be-Jhijak Aa Ke Milo Hans Ke Milao Aankhen
Aao Hum Tum Ko Sikhate Hain Milana Dil Ka
Naqsh-E-Bar Aab Nahin Wahm Nahin Khwab Nahin
Aap Kyun Khel Samajhte Hain Mitana Dil Ka
Hasraten Khak Huin Mit Gae Arman Sare
Lut Gaya Khucha-E-Jaanan Mein Khazana Dil Ka
Le Chala Hai Mere Pahlu Se Ba-Sad Shauq Koi
Ab To Mumkin Nahin Laut Ke Aana Dil Ka
Un Ki Mehfil Mein ‘Nasir’ Un Ke Tabassum Ki Qasam
Dekhate Rah Gae Hum Hath Se Jaana Dil Ka
ان کے انداز کرم ان پہ وہ آنا دل کا
ہائے وہ وقت وہ باتیں وہ زمانہ دل کا
نہ سنا اس نے توجہ سے فسانا دل کا
زندگی گزری مگر درد نہ جانا دل کا
کچھ نئی بات نہیں حسن پہ آنا دل کا
مشغلہ ہے یہ نہایت ہی پرانا دل کا
وہ محبت کی شروعات وہ بے تھاہ خوشی
دیکھ کر ان کو وہ پھولے نہ سمانا دل کا
دل لگی دل کی لگی بن کے مٹا دیتی ہے
روگ دشمن کو بھی یا رب نہ لگانا دل کا
ہوئے تو میرے مقدر کو بگاڑا اس نے
اور پھر اس پہ غضب ہنس کے بنانا دل کا
میرے پہلو میں نہیں آپ کی مٹھی میں نہیں
بے ٹھکانے ہے بہت دن سے ٹھکانا دل کا
وہ بھی اپنے نہ ہوئے دل بھی گیا ہاتھوں سے
ایسے آنے سے تو بہتر تھا نہ آنا دل کا
خوب ہیں آپ بہت خوب مگر یاد رہے
زیب دیتا نہیں ایسوں کو ستانا دل کا
بے جھجک آ کے ملو ہنس کے ملاؤ آنکھیں
آؤ ہم تم کو سکھاتے ہیں ملانا دل کا
نقش بر آب نہیں وہم نہیں خواب نہیں
آپ کیوں کھیل سمجھتے ہیں مٹانا دل کا
حسرتیں خاک ہوئیں مٹ گئے ارماں سارے
لٹ گیا کوچۂ جاناں میں خزانا دل کا
لے چلا ہے مرے پہلو سے بصد شوق کوئی
اب تو ممکن نہیں لوٹ کے آنا دل کا
ان کی محفل میں نصیرؔ ان کے تبسم کی قسم
دیکھتے رہ گئے ہم ہاتھ سے جانا دل کا
Read More:
Zehaal-E-Miskin Makun Taghaful (Lyrics with Translation)
Chhap Tilak Sab Chhini Re (Lyrics) – Amir Khusro Poetry
